Барыта Кыайыы туһугар

Мин эбэм Елена Семеновна Кулачикова 1924 с. Мас Аппаҕа төрөөбүтэ. Кини 14 саастааҕар ийэтэ өлөн, төрөөбүтүнэн оҕону көтөҕөн, биэс бырааттарынаан, балтыларынаан тулаайах хаалбыта. Аҕалара оҕолорун иитээри сарсыардаттан киэһэ хойукка диэри үлэлиирэ.

Сэрии саҕаламмытын кэннэ кинилэр Алдантан Чычымахха көһөн киирбиттэрэ. Эбэм хотон ыарахан үлэтигэр оҕолорун көрө-көрө үлэлээн барбыта. Кураан буолан сут саҕаламмыта. Эбэм аччыктыы-аччыктыы, куһаҕан таҥаһынан тоҥо-тоҥо тымныы хотоҥҥо үлэлиирэ. Тирии этэрбэһинэн хотоҥҥо сылдьара. Атаҕа инчэйэн тоҥнор даҕаны, ону ол диэбэккэ күүһэ кыайарынан үлэлиирэ. Кыра балтылара, бырааттара тоҥон, аччыктаан ыалдьаллара да, бэрээдэк кытаанаҕыттан үлэттэн тохтуур сатаммат этэ

Сэриигэ сылдьар буойуттарга туох кыалларынан көмөлөһөллөрө. Сылаас таҥас тигэн фроҥҥа ыыталлара. Аанньа утуйбакка, аччык оҕо сааһы билбит эбэбэр мин сүгүрүйэбин, кининэн киэн туттабын.

Мин эбэм курдук кытаанах санаалаах дьон баар буоланнар, хорсун үлэнэн Улуу Кыайыыны ситистэхтэрэ.

Софронов Стасик