Аввакумов Яков Васильевич I (1914-1998)  Аҕа дойду Улуу сэриитин кыттыылааҕа

Аввакумов Яков Васильевич I —  Сиэллээх нэhилиэгэр 1914 с. төрөөбүтэ. 5 кылаас үөрэхтээх колхоhугар суотчутунан үлэлии олорон 1943 с. ыам ыйыгар сэриигэ ыҥырыллыбыт. Кини 9-с стрелковай полкађа Япония кыраныыссатыгар Маньчжурия Хайлар куоратын босхолооhуҥҥа уоттаах сэриигэ сылдьыбыта. Яков Васильевич бэйэтин ахтыытыгар бу куораты сэриилээн ылыы дьулаан хартыынатын дьоҥҥо олус тиийимтиэтик суруйбута. Ол курдук бу кыргыhыыга 10000-тан тахса киhи өлбүтүн, бааhырбыт дьон хаана хайа эниэтинэн үрэх уутунуу сүүрүгүрбүтүн, олус утатан, аччыктаан сарсыардааҥы сииккэ таҥастарын соhон ону ыган хатырбыт кγөмэйдэрин сиигирдэллэрин, аччыктаан ыксаан дьабарааскы өлөрөн сииллэрин туhунан ахтара.

 Сэрииттэн 1946 с. ыhыах күн ахтылђаннаах Амматын сирин булбута. Буойун эйэлээх олоххо колхоз үлэтигэр төбөтүн оройунан түспүтэ. Барыта биэс ођону улаатыннаран тапталлаах эhэ, хос эhэ бочуоттаах аатын сүгэн 1998 с. бу олохтон барбыта.

 Нађараадалара: »Ађа дойду сэриитин» II степеннээх  орден, »Германияны кыайыы иhин», »Японияны кыайыы иһин», »Үлэђэ килбиэнин иһин», »Үлэ ветерана» медаллар, юбилейнай медаллар, »Коммунистическай үлэ ударнига» бэлиэ.

Васильева Людмила Яковлевна

(Сүгүрүйэбит күн күбэй ийэбитигэр, астынабыт айбыт ађабытыттан /Хомуйан оҥордо Л.Я.Васильева, Дьокуускай: Бичик, 2014)