Аввакумов Яков Васильевич II (1919-1953) Аҕа дойду Улуу сэриитигэр үлэ фронун кыттыылааҕа

«Көрдөрүүлээххэ» олорбут Аввакумов Василий Николаевич (Орђоот) бастакы кэргэниттэн Кулаковская Варвара Дмитриевнаттан Вера диэн кыыhа Порфирий Малышевка кэргэн тахсан Егор, Мария диэн уоллаах кыыс ођоломмуттар.  Василий Николаевич иккис кэргэнэ Александра Степановна Хатылыкова, кинилэр үс уол, икки кыыс ођоломмуттар: Елена I, Елена II, Яков II, Константин, Николай.

Аввакумов Яков Васильевич II 1919 с. төрөөбүт. Ађа дойду Улуу сэриитигэр үлэ фронугар 1941-1945 сылларга сылдьыбыт. Сулууспалаан кэлэн баран «Көрдөрүүлээх» холкуоска үлэлээбит. Кыhынын таhаҕас таhыытыгар Охотскай Перевозка сылдьыбыт. Сайынын от кэбиhээччинэн, сылгыhытынан үлэлээбит.  Мэҥэ Хаҥалас кыыhын кэргэн ылан биир уол, икки кыыс ођоломмуттар. Улахан кыыhа кыра сааhыгар өлбүт.

Аввакумов Яков Васильевич үлэ фронуттан доруобуйата айгыраан кэлэн уhун үйэлэммэтэђэ, 34 сааhыгар 1953 с. өлбүтэ.

 Уола Харбалаахха олорор, ођолордоох, сиэннэрдээх. Кыра кыыhа Александра Сирдитова кыргыттардаах, сиэннэрдээх, профтехүөрэхтээhин үтүөлээх үлэhитэ.

Наҕараадата: «1941-45 Аҕа дойду сэриитигэр килбиэннээх үлэтин иhин», 1948 с.

Васильева Людмила Яковлевна

( Көрдөрүүлээхтэн силис тардан /хомуйан оҥордо Л.Я. Васильева. – Ытык Күөл: «Таатта» хаһыат редакцията, 2010 с.).