Богдокумов Иван Ефимович (1899-1980) А5а дойду Улуу сэриитин кыттыылаа5а

1942с. армияђа ыҥырыллыбыт. Доруобуйатынан сыыйыллан босхолонон кэлбит уонна 1943 с. иккиһин барбыт. Монголияђа авиационнай чааска сулууспалаабыт, ефрейтор званиелаах. 1945с. эргиллэн кэлэн колхоз араас салаа үлэтигэр тутуу маастарынан, болуотунньугунан, тимир ууһунан, столярынан пенсияђа тахсыар диэри үлэлээбит. Стахановец, коммунистическай үлэ ударнига. Yлэђэ бастыҥ көрдөрүүлэринэн Москвађа ВДНХ-ђа кыттыбыта. «Японияны кыайыы иһин» мэтээллээх.

***

1899с. дьадаҥы дьиэ кэргэҥҥэ төрөөбүтэ. Ликпууҥҥа үөрэнэн аађар, суруйар буолбута.

1930с. «Түмсүү» колхоһу тэрийсибитэ. Колхозка киирбит бастакы күнүттэн болуотунньугунан, тутуу маастарынан, тимир ууһунан, столярынан пенсияђа тахсыар диэри үлэлээбитэ. Техникађа уһулуччу талааннаађа.  1931с. Мэйи Баалыгар маҥнайгы улахан хотону маастардаан туттарбыта.

Иван Ефимович колхоз производствотыгар элбэх рационализаторскай этиилэри киллэрэн улахан өҥөнү оҥорбута.  Yлэђэ уһулуччу дьођурдаах уонна сүрэхтээх, мындыр өйдөөх дьоннортон биирдэстэрэ этэ. Бурдугу катогунан астааһын ньыматын олохтообута, ат молотилкатыгар  көтүтэр  оҥорбута, бурдук ыһар сеялканы акка чэпчэтэр тупсарыыны киллэрбитэ тыа хаһаайыстыбатын бары массыыналарыгар чугуун эргитэр чаастары (втулкалары) алтанынан кутан оҥорууну олохтообута, кирпииччэни атынан үктэтэр саҥа ньыманы айбыта, буору буочукађа эллээн ыктаран таһаарар, онуоха ат күүһүн туһанар ньыманы киллэрбитэ. Иван Ефимович саҥаны айбыта, тупсарыыны киллэрбитэ итинэн эрэ бүппэт.

1935с. Чычымах колхозка правление председателин солбуйааччынан үлэлээбитэ. Оройуон, нэһилиэк советтарыгар депутатынан быыбарданан үлэлээбитэ.

1942с. бэс ыйыттан 1945с. алтынньыга диэри Советскай Армия кэккэтигэр сулууспалаабыта.

Иван Ефимович үлэлээбитин тухары ударник, стахановец, коммунистическай үлэ ударнига.

Малышев Николай Романович. 

 («Сэмэй дьон сырдык сэбэрэлэрэ». Малышева В.Л. хомуйан оҥоруута. Дьокуускай, 2015. 288 стр.)