Гаврил Спиридонович Нюров 1908 с. төрөөбүт. 1942 с. арђаа ҥы сэриигэ ыҥырыллан барбыта. Украинанан эҥин сэриилэспит. Бааһыран 1944 с. төннөн кэлбитэ. Сэрииттэн кэлээт да колхоз производствотыгар үлэлээбитинэн барбыт. Победаттан төрүттээх Габышева Ульяна диэн кыыһы 1949-50 с. диэки кэргэн ылбыта. «Көрдөрүүлээххэ» Уһун Халдьаайыга илин баһыгар дьиэ туттан ађыйах сыл олорбуттара. Улахан кыыстара Люба. Кэргэнэ Ульяна тымныйан  сыыстаран өр буолбатађа, өлбүтэ.

Кэннэки хас да сыл буолан баран иккистээн Чымнаайыттан Антоева Анна диэн дьахтары кэргэн ылбыта.  Победађа көһөн тахсан олохсуйбуттара. Света уонна Ганя диэн икки ођоломмуттара.  Хабырылла мас ууһа этэ. «Көрдөрүүлээх» холкуос ыһыахтыыр сиригэр турар сэргэлэри кини оҥортообута. Кини 1967 с. ыалдьан өлбүтэ.

Любата Халыма уолугар Тайшин Семеҥҥа кэргэн тахсан онно үлэлии, олоро барбыта. Ити кэмҥэ Люба медтехникуму бүтэрэн, акушерка идэтин баһылаан, фельдшер — акушеркалаабыта. Үс ођоломмута: Юра, Уля. Кэргэнэ өлбүтүн кэннэ, Дьокуускайга көһөн кэлэн олорор. Света эдьиийин батыһан эмиэ Халымађа баран олорон Бурнашевка кэргэн тахсыбыта. Света медсестра үөрэђин бүтэрэн сиэстэрэнэн үлэлээбитэ. Уоллаах кыыс ођоломмута. Кэлин эмиэ Дьокуускайга көһөн кэлбиттэрэ. Ганя Иркутскайдаађы проф. үөрэхтээһин институтун үөрэнэн бүтэрэн Харбалаах СПТУ-18 маастарынан үлэлээбитэ. Икки ођолоох огдообо дьахтары, Карпова Раяны кэргэн ылан Харбалаахха олохсуйбута. Икки кыыс ођоломмуттара. Аня уонна Таня диэн. Итинник үлэлээн-хамсаан үчүгэй бађайытык олордохторуна, кыра кыыһа төрүү илигинэ, Чульман таһыгар бииргэ үлэлиир уонна айаннаан таһађас ађала барбыт киһитэ Тастыгин диэн киһи өлөрөн кэбиспитэ. Улахан кыыһа Аня Харбалаах оскуолатын бүтэрэн СГУ иһинэн математика уонна информатика институтун бастакы курсугар үөрэнэр. Таня Харбалаах оскуолатын 11 кылааһыгар үөрэнэ сылдьар.     

Лэгэнтэй. 1915с. төрүөх. Ађа дойду сэриитигэр ыҥырыллыбыт эрээри сүрэђэ куһађан буолан аараттан төннөн кэлбит. Тыа хаһаайыстыбатын техникумун бүтэрэн ветфельдшер идэтин ылан Чычымађынан, Чымнаайынан, үлэлээн баран Кириэс-Халдьаайыга көһөн онно олохсуйбута. Ефимова Мария диэн Кириэс-Халдьаайы кыыһын эрдэ кэргэн ылбыта 4 ођоломмуттара – Ира, Даша, Слава, Кеша.

Ира Дьокуускайга медицинскэй училищены үөрэнэн бүтэрэн Кириэс-Халдьаайыга биэссэрдээбитэ. Аҥардас. Даша сиэстирэ үөрэђин бүтэрбитэ. Кэргэннэммитэ. Биир кыыс ођоломмута. Кэргэнэ эмискэ өлөн хаалбыта. Даша кыыһын илдьэ Намҥа Граф Биэрэгэр көһөн барбыта. Онно тиийэн эмиэ иккистээн кэргэннэммитэ. Уол ођоломмута. Уола доруобуйата мөлтөх. Кыыһа медик үөрэђин бүтэрэн саҥа үлэлээн иһэн өлөн хаалбыта. Даша бэйэтэ ођо саадыгар сиэстирэлиир. Уолун көрөр-харайар. Слава  Дьокуускайга художественнай училищены үөрэнэн бүтэрбитэ. Билигин Кириэс-Халдьаайыга олорор. Кулуупка үлэлиир. Кэргэннээх. Уоллаах кыыс ођолоох. Ођолоро кыралар саҥа үөрэнэн эрэллэр. Кеша аҥардас. Рабочай. Ыалдьан өлбүтэ.

   Баһылай. 1911-12сс. төрүөх. Сытыары сымнађас майгылаах, ађыйах саҥалаах. Аһыллан кэпсэттэххэ кэпсээннээх, оонньуулаах, көрдөөх киһи эбит. Хонуу биригэдьииринэн үлэлээбит. Сэрии буолуон иннинэ «Көрдөрүүлээх» колхозка сылгыһыттаабыт эбит. Огдообо Тарабукина (Прудецкая кыыс эрдэђинээђи араспаанньата) Мария Егоровна диэн дьахтары кэргэн ылбыт. 1941с. атырдьах ыйыгар Чурапчы РВК ыҥырыллан барбыта. Барбыта эрэ. Ханна да тиийбитэ, сэриилэспитэ, өлбүтэ биллибэт. 1991с. Подольскайдаађы байыаннай архыыптан көрдөтө сатаабытым да ханнык да испииһэккэ суох диэн эппиэт кэлбитэ. Мария Егоровна 1942с. тохсунньу 15 күнүгэр кыыс ођоломмута.

Дьөгүөр.   1916 сыллаахха төрөөбүт. Холкуоска хонуу араас үлэлэригэр үлэлиирэ. Кини Ульяна Егоровна Прудецкая диэн Мария Егоровна бииргэ төрөөбүт балтын кэргэн ылан 1936  сыллаахха Таня диэн кыыс ођоломмуттара. Ульяна Егоровна эдэр сааһыгар 1938 сыллааха өлбүтэ. Сэриигэ барыан иннинэ Егор Спиридонович А.И.Налыяхованы кэргэн ылбыта. Сэриигэ барарыгар Танята саҥа ийэтигэр хаалбыта. Егор Спиридонович сэриигэ аттары көрөөччүнэн сылдьан 1943 сыл бэс ыйын 3 күнүгэр 3773 нүөмэрдээх эвакуационнай госпитальга ыалдьан өлбүтүн туһунан биллэрии кэлбитэ. Кини Вятка куорат кылабыыһатыгар көмүллэн сытар.

 Төрөппүт кыыһа Татьяна Егоровна Нюрова Харбалаахха олорор, икки уол уонна икки кыыс ођолоох, биэс сиэн эбээтэ. Ађалара Степан Иванович «Коммунизм» совхоз кылаабынай ветеринарнай бырааһа, совхоз директора этэ. 1994 сыллаахха ыарахан ыарыыттан өлбүтэ.

Ефимова Татьяна Васильевна