Гаврил Чабыкин Таатта оройуонугар Сиэллээх нэһилиэгэр 1911 с. төрөөбүтэ. «Көрдөрүүлээх» колхоһу маҥнайгы тэрийээччи. Колхозка солбуйааччы председателинэн, колхоз суоччутунан, ферма сэбиэдиссэйинэн үлэлээбитэ.

1941 сыл армияђа барбыта. Быраата Баһылай эмиэ барбыта. Ханна сэриилэспитин ким да билбэт этэ. Кэнники өлбүттэрин туһунан биллэрии кэлбитэ. Армияђа барарыгар дойдутугар иккис кэргэнэ хаалбыта. Бастакы кэргэниттэн биир кыыс хаалбыта. Ол кыыс билигин «Сырдаабыкка» кэргэн тахсан олорор. Тулаайах буолан үөрэммэккэ хаалбыта. 5-6 кылаас үөрэхтээх буолуохтаах. Иккис кэргэнэ билигин Ытык Күөлгэ саҥа кэргэннэнэн олорор.

Василий колхозка убайа Гаврилы кытта киирбитэ. Кыра кылааска үөрэнэ сылдьан үөрэђин кыайбакка, колхозка үлэлээбитэ. Улахан быһый атахтаах киһи этэ. Сүрдээх кыайыылаах үлэһит, туох да үлэттэн аккаастаммат активнай киһи этэ.

Армияђа 1942 с. барбыта. Кэргэн ылбатађа. Ханна тиийэн хайдах өлбүтүн билбэппин, сурук, биллэрии кэлбэтэх быһыылаах. Мин 1943 с. армияђа барбытым, онон кэнникитин билбэппин.

Аввакумов Яков Васильевич I