Васильев Василий Васильевич (1915-1971)  А5а дойду Улуу сэриитин кыттыылаа5а

1930-с сылларга Дьүлэй нэhилиэгэр сир түҥэтигэр биhиги дьоммут Амма эҥэр сирдэргэ тиксэннэр, көhөн кэлэн олохсуйбуттар. Кэлэн, икки үөр сылгыны холбоон «Көрдөрүүлээх» холкуоска киирбиттэр.

Биhиги ађабыт Васильев В. В. 1915 с. тохсунньу 14 күнүгэр Дьүлэй нэhилиэгэр төрөөбүт киhи.  »Көрдөрүүлээх» холкуоска хонуу үлэтигэр  үлэлээбит.

1944 с. от ыйыгар армияђа ыҥырыллан барбыт. Армияђа тиийэн 644-с  стрелковай полкађа сулууспалаабыт. Япония сэриитигэр кыттан пулеметчигынан сылдьыбыт. Хинган кумах куйаарын туораабыттар, Хайларга сэриилэспиттэр.

Сэриигэ сылдьыбыт түгэннэриттэн кэпсээбитин өйдөөтөххө, маннык түбэлтэлэр бааллар.  Иккис нүөмэрэ нуучча уола утатан охтубутун ыарыылата хаалларбыттар, онтон чаастарын сиппиттэрэ, саллааттар холуодьастан уу иhэн, сүhүрэн, киhи бөђөтө охтубут. Сэриилээн ылбыт сирдэригэр ыскылаакка түбэhэн, солко таҥаhы куллука оҥостон, атахтарын быhа ођустаран эрэйдэммиттэр. Сорохтор ириис куруппаны хоччохойдуу сиэннэр моhуогурбуттара эмиэ баар.

Хайлар куораты ылыы сэриитигэр кыттыбыт. Чаньчунь куоракка сулууспалаан 1946 cыл атырдьах ыйыгар демобилизацияламмыт. Кэлэн дойдутугар салгыы колхозка хонуу үлэтигэр сылдьыбыт, биригэдьиирдээбит.

1947 с. ийэбитинээн Д. Е. Ивановалыын ыал буолан үс уол, икки кыыс ођоломмуттара. 1958 с. Чычымахха көhөн кэлбиппит. Ађабыт тимиринэн уhаммыта, уот биэрэр локомобильга үлэлээбитэ.  1963 с. Харбалаах тутуутугар бастакы пилорамщик. 1968 с. кыhынын Чычымахха гаражка кочегардаабыта, сайын от үлэтигэр үлэлээбитэ. 

Ађабыт ађыйах саҥалаах, туохха барытыгар сыстађас туруу үлэhит киhи этэ. 1970 с. пенсияђа тахсыбыта. 1971 с. ыарахан ыарыыттан олохтон барбыта.

Нађараадалара: «Японияны кыайыы иһин», Кыайыы 20, 25,30 сс. юбилейнай мэтээллэр.

Уола Васильев Василий Васильевич

Кулун тутар ый, 2025 с.