Иванов Гаврил Яковлевич (1906-1943) Аҕа дойду Улуу сэриитигэр олоҕун толук уурбут буойун

«Көрдөрүүлээх» колхозка биригэдьииринэн үлэлии сылдьан 1942 с. сэриигэ ыҥырыллыбыт.  1943 с. ыалдьан өлбүт. Улан-Удэ куоракка көмүллүбүт. 

Иванов Гаврил Яковлевич сэрии иннинэ күүстээх-уохтаах, ханнык бађарар үлэни кыайар-хотор буолан Ааллаах Yүҥҥэ таһађас таһыытыгар, тутуу, от-мас үлэтигэр сылдьыбыт. «Көрдөрүүлээх» холкуос биир бастыҥ үлэһитэ эбит. Сэриигэ барыан иннинэ биригэдьиирдии сылдьыбыт уонна 1942 с. армияђа ыҥырыллан баран эргиллибэтэх.

Ађата Яков Дмитриевич Иванов (Кээлээни) диэн айылђаттан айдарыылаах киhи эбит. Сэрии буолуон иннинэ уолугар Гаврилга: «Онтукађын-мантыкађын хомун, барарыҥ-кэлэриҥ тирээтэ. Элбэх киhи хаана тохтор буолла. «Көрдөрүүлээх эстэн аhыҥка дойдута буолуођа»,- диэбитэ үhү. Уола сэриигэ баран өлбүтүн туhунан кийиитэ Дария Егоровнађа: «Сибээстэрэ айаннаатађа тођо уhунай, уолум Хабырылла кэлэн илин диэки ааспыта икки ый буолла»,- диэбит.

Дария Егоровна Яша диэн уоллаађа, оттон Ганя ађата сэриигэ бардађын күһүнүгэр төрөөбүт. Яша кыра сааһыгар сылдьан ыалдьан өлбүт. Онон Гаврил Ивановтан сођотох Ганя эрэ хаалбыт. Дария Егоровна кэлин Васильев Василий Васильевичка кэргэн тахсыбыта.

Ганя тођус сааһыгар диэри эһэтигэр Яков ођонньордооххо иитиллибит. Онтон, ийэтигэр көмө буолан, кыра сааһыттан үлэђэ эриллэн улаапппыт. Гаврил Гаврильевич Иванов өбүгэ удьуорун салгыыр сођотох уол хаалан, үс уолу төрөтөн, сиэннэрдээх. Кэргэнэ Сидорова Агафья Максимовна Сунтаартан төрүттээх, Чычымах оскуолатыгар история учууталынан, нэhилиэк сэбиэтин исполкомун бэрэссэдээтэлинэн, нэhилиэк музейыгар үлэлээбитэ.

 Гаврил Гаврильевич, Павлов Рустем Пантелеймонович биригээдэтигэр сылдьан, Харбалаах бөһүөлэгин тутуспута. Колхоз, совхоз сађана тракториһынан, суоппарынан үлэлээбитэ. 1992 сылтан өбүгэтин сиригэр база тэринэн уолаттарын кытта бааһынай хаһаайыстыба буолбута. 1999 сылга СР Президенин маҥнайгы тирэх хаhаайыстыбатын ахсааныгар киирэн, республика, улуус бааhынай хаhаайыстыбалара тэриллиилэригэр үтүө холобур буоллађа.

1. Чычымах : Таатта улууһа, Амма нэһилиэгэ / хомуйан оҥордо А. К. Татаринов. – Дьокуускай : Бичик, 2002. – 216 с. «Саха сирин нэһилиэктэрэ» серия.
2. Көрдөрүүлээхтэн силис тардан /хомуйан оҥордо Л.Я. Васильева. – Ытык Күөл: «Таатта» хаһыат редакцията, 2010. –132 с.