Канаев Николай Иванович (1919-1982) Аҕа дойду Улуу сэриитин кыттыылааҕа, «Аҕа дойду Улуу сэриитин II степенэ» орден кавалера, Ааллаах Үүн таһаҕасчыта

1919 с. II Алдан нэhилиэгэр төрөөбүтэ. 10 сааһыгар II Алдан оскуолатыгар I кылааска киирбитэ. 1933 с. ити начальнай оскуоланы бүтэрбитэ. 1931 с. III кылааска үөрэнэ сылдьан пионерга киирбитэ.

Николай Иванович кыра сааһыттан үлэлии улааппыта. 17 сааһыттан үс сыл устата Ааллаах Yүн промышленноһын рабочайдарыгар, 50-60 кыраадыстаах тымныыга силлиэ-буурђа аргыстанан таас үрэхтэр тарыҥнаах ууларын кэһэн түөртүү көлөнү  тутан таһађас таһыытын сыралаах үлэтигэр сылдьыспыта.

1941 с. Кэрби диэн сиргэ балык бултааһыныгар биригэдьиирдээбитэ. Итиннэ икки сыл сылдьан баран 1943 с. Советскай армия кэккэтигэр ыҥырыллыбыта. Японияны утары сэриигэ кыттыбыта. Хайлар, Кинган, Чанчунь комендатураларыгар сулууспалаабыта.

Кэлин 1946 с. Маньчжурия сиригэр сулууспалаабыта. 1946 с. армияттан кэлээт, 1952 с. диэри колхоһугар биригэдьиир. 1952-67 сс. «Чычымах», «Коммунизм» колхозтарга биригэдьиир. Совхоз буолбутун кэннэ эмиэ биригэдьииринэн  үлэлээбитэ. Барыта 23 сыл устата биригэдьиирдээбитэ.

1961 сылтан ССКП чилиэнэ.  Пенсияђа да тахсан баран, совхоз производствотыттан илиитин араарбакка үлэлии сылдьар. Николай Иванович активнай общественник, элбэх сыл устата агитаторынан, зона начальнигынан үлэлээбитэ.

Нађараадалара: «Ађа дойду улуу сэриитин 2 степеннээх» ордена, »За победу над Германией» мэтээл.

            1985 с.