Канаев Павел Иванович (1903-1983) Аҕа дойду Улуу сэриитигэр үлэ фронун кыттыылааҕа, Ааллаах Үүн таһаҕасчыта

 II Алдан нэһилиэгэр төрөөбүт. Сэрии иннинэ 1935-39 сылларга «Чычымах» колхоз председателинэн үлэлээбит. Чычымахха сельпо председателинэн үлэлии сылдьан армияђа ыҥырыллыбыт.  1943-1945 сс.  үлэ фронугар сулууспалаабыт. Ɵр сылларга эргиэн тэрилтэтигэр үлэлээбит. »Германияны кыайыы иһин» мэтээллээх.

***

1903 с. II Алдан нэһилиэгэр төрөөбүтүм. 1918-1921 сс. үөрэх дьылыгар Ытык Күөл оскуолатыгар III-c группаны үөрэнэн бүтэрибитим. 1921-22сс. Чычымахха IV-с группађа үөрэммитим. Оскуола сабыллан ситэ бүтэрбэтэђим. Yөрэнэр бириэмэбэр Билиистээх алааһыгар Терентий Малышевтаахха олорон үөрэммитим. 1930-35сс. Чычымахха, онтон Уус Аммађа мађаһыыҥҥа продавецтаабытым. 1935-39 сс. колхоз председателинэн, 1939-40 сс. Советскай армияђа сулууспалаабытым. 1946-47 сс. сельпо председателинэн, 1950 с. кулууп сэбиэдиссэйинэн, 1954-59 сс. ођуруот биригэдьииринэн үлэлээбитим. 1959-67 сс. араас үлэлэри салайбытым. 1956 сылтан ССКП чилиэнэбин. Ɵр сыллаах үлэм иһин элбэх медалынан, Бочуотунай грамоталарынан, махтал суруктарынан нађараадаламмытым.

1978 с. Чычымах б.

***

   1924с.  II Алдаҥҥа сэбиэт председателинэн үлэлээбитэ. 1929с. сэбиэт секретарынан үлэлии сылдьан сир түҥэтигин ыытыспыта. Икки маҥнайгы табаарыстыбалары тэрийсибитэ. 1931с. Чычымах сельпотугар мађаһыын сэбиэдиссэйинэн, 1932с.  сыпной пункт сэбиэдиссэйинэн, мађаһыын продавеһынан, 1935с. «Чычымах» колхоз правлениетын председателинэн  үлэлээбитэ. 1935с. колхоз 60-ча хаһаайыстыбалаах этэ, сотору 130 хаһаайыстыбалаах буолбута. 1940с. сельпо председателинэн, 1941с. колхоз  председателинэн үлэлээбитэ. 1943-45сс. советскай Армия кэккэтигэр ыҥырыллан үлэ фронугар сулууспалаабыта. 1945 сылтан 1947 сылга диэри сельпо председателэ. 1947с. Чычымах колхоз правлениетын председателэ. 1949-50сс. кулууп сэбиэдиссэйэ. 1950с. нэһилиэк советын председателэ уонна сылгы ферматын заведующайын нагрузкатын толорбута.  1955с. «Коммунизм» колхоз ођуруотун биригэдьиирэ.

1956 сылтан ССКП чилиэнэ, бастыҥ үлэhит буолан, икки төгүл Моcквађа тыа хаһаайыстыбатын быыстапкатыгар кыттыбыта. 1960с. сибиинньэ ферматын заведующайа. 1961-67 сылларга врачебнай участок завхоһа. 1963с пенсияђа тахсыбыта.

Малышев Н.Р.

9.07.1943 сыл. Заярск бөһ.