Загрузка... |
Кулачиков Иван Иустинович (1925-1985) Аҕа дойду Улуу сэриитин II степеннээх орденын кавалера |
Армияђа 1943с. ыҥырыллыбыт. Милитаристическай Японияны утары сэриигэ кыттыбыт. Рота командирынан сылдьыбыт. 1948с. «Японияны кыайыы иһин» мэтээллээх дойдутугар этэҥҥэ эргиллибит. Дойдутугар өр өр сыл суоппардаабыт. Правительство, оройуон элбэх грамоталарынан, «Yлэђэ килбиэнин иһин» мэтээлинэн, кэлин «Ађа дойду сэриитин II-с степеннээх» орденынан нађараадаламмыта.
***
Мин 1925 с. Чычымах Yөттээх диэн алааhыгар балађан ыйын 17 күнүгэр төрөөбүтүм. Дьонум колхозтаахтар. 1941 с. 7-с кылааhы бүтэрбитим. Онтон куоракка ФЗУ-га (фабрично-заводское ученичество) үөрэнэ киирбитим. Күhүн уурайан тахсан колхозпар 1943 с. диэри үлэлээбитим.
Саас армияђа барбытым. Бурят-Монголияђа 1944 с. мууc устарга дылы 20-с кондепођа сылдьыбытым. Онтон дьиҥнээх Монголияђа 24-с мотострелковай полкађа стрелок этим, бу полканы кытта сэриигэ киирбитим. Улахан Хинган диэн хайаны туорааhыҥҥа Сталин махтал суругун биэрбиттэрэ. Сэриини Манчжурия Даонань диэн куоратыгар түмүктээбитим. Алтынньы кэнниттэн эмиэ Монголияђа кэлбитим. Онно 1250 противотанковай дивизиоҥҥа орудийнай номерынан сылдьыбытым. Икки сылтан ордук граница таhыгар сылдьыбытым.
1946 саас Советскай сиргэ кээлтим, 175-с артиллерийскай полкађа түбэспитим. Манна орудийнай номер, онтон наводчик быhыытынан сулууспалаабытым.
1947 сыл күhүн эмиэ 24-с мотострелковай полкабар кэлэн 1948 с. саас муус устарга дылы сылдьан демобилизацияламмытым.
Кэлээт колхозпар 1953 с. диэри быстах үлэђэ үлэлээн баран куоракка механизатордар оскуолаларыгар үөрэнэн суоппар буолбутум. 1980с. пенсияђа тахсыахпар диэри суоппардаабытым. Билигин сайын оттуубун, кыhын бултуубун. Сэрии уонна үлэ ветеранабын.
Нађараадаларым: «За победу над Японией» мэтээл, И.В.Сталин махтал суруга, Саха АССР Верховнай Советын Бочуотунай грамотата, Кыайыы юбилейнай мэтээллэрэ уонна элбэх республика, оройуон грамоталара.
14.02 1985 с.