Миронов Гаврил Дмитриевич (1901-1985)  Аҕа дойду Улуу сэриитин кыттыылааҕа

   1942с. саас Чурапчы   холбоһуктаах оройуоннаађы военкоматынан  армияђа ыҥырыллыбыт. Үөрэтэн   баран, Япония границатыгар ыыппыттар. 1943 сайыныттан 1944 сыл сааһыгар   диэри Японияђа сэриилэспит. Ыалдьан, 1944с. эргиллэн кэлэн колхоһугар үтүө суобастаахтык үлэлээбитэ. Сайынын окко, кыһынын булчутунан үлэлээбит.

***

 Мин, Миронов Гаврил Дмитриевич, 1930 сылтан 1941 сылга диэри колхоз үлэhитэ этим. 1941 сыл күhүнүгэр колхозка балык түhээнэ түспүтүгэр иккиэ буолан Дьабарыхыга балыктыы барбыппыт. Киhим Аржаков Тимофей диэн. Иккиэн кэргэттэрбитин илдьэ барбыппыт. 1942 сыл сааhыгар атынан көhөрөн аҕалбыттара. Киhим Тимофей тыыннаах эргиллибэтэҕэ,  уҥуоҕа Дьабарыхыга хаалбыта. Тымныйан өлбүтэ.

Кэлэн 1942 сыл сааhыгар армияҕа ыҥырыллыбытым. 1942 сыл атырдьах ыйыгар үөрэнэн баран армияҕа барбытым. Ити күhүн Япония границатыгар тиийбиппит. Манна кэлэн окуопа хаhан стройга хаамарга,саа тутарга үөрэнэ-үөрэн түүн землянкаҕа хонорбут. Окуопа хаhар ыарахан этэ.

1943 сыл сайыныгар 1944 сыл сааhыгар диэри Япония границатыгар саа тутан сылдьыбыппыт. Ити сыл саас ыалдьан госпиталга киирбитим. Госпиталтан сайылаан күhүн демобилизацияланан дойдум диэки айаҥҥа турбутум. Большой Невергэ кэлэн ахсынньыга диэри транспорт суох буолан олордубут. Дойдубун 1945 сыллаахха булбутум.

1945 сыл сааhыгар кыайыы буолбута. Онтон ыла колхозка, совхозка үлэhит быhыытынан сылдьыбытым. Сайынын тутууга, кыhынын түүлээхтээн 65 сааспар кырдьаҕаспынан пенсияҕа тахсыбытым. Ол да пенсияҕа тахсан баран совхозпар үлэлии сылдьыбытым. Сайынын оттоон, кыhынын түүлээхтээн да, тимир ууhунан да үлэлээн 70 сааспар диэри совхозпар туhалыы сырыттым үлэттэн илиибин араарбатаҕым.

1985 с.