Миронов Егор Иванович (1905-1942) Аҕа дойду Улуу сэриитигэр олоҕун толук уурбут буойун

 Федор Афанасьевич Сивцев ииппит уола. Сэриигэ барыан иннинэ «Көрдөрүүлээх» колхозка таһађас тиэйиитигэр, кэлин счетоводунан үлэлээбит. 1942с. сэриигэ ыҥырыллыбыт. Кылгас байыаннай бэлэмнэнии кэнниттэн арђаа фроҥҥа атаарыллар. Москва иhин кыргыhыыга охтубутун туhунан «Память» 1 том 243стр. суруллубут. Кини уҥуођа Москва-Минскэй шоссе 136-с км баар братскай могилађа кистэммит.

***

 Егор Миронов 1910 сыллаахха оччотоођу Боотурускай улууhугар Аллараа Аммађа төрөөбүтэ. Кини оскуолађа үөрэммэтэђэ. Ликбезкэ үөрэммит буолуон соп. Сахалыы мөлтөх да буоллар аађар-суруйар эбит. Армияђа барыан иннинэ холкуоска үлэлиир.

1941 сыллаахха Кыhыл Армия кэккэтигэр ыҥырыллар. Кылгас байыаннай бэлэмнэниини барыы кэнниттэн арђаа фроҥҥа атаарыллар. Кини хайа туhаайыыга, ханнык чааска сылдьан сэриилэспитэ биллибэт.

1941 сыллаахха фашискай Германия Москва куораты ылар сыаллаах сүрүн күүhүн туhаайбыта. Ити бириэмэђэ ыҥырыллыбыттар Москва көмүскэлигэр сэриилэспиттэрэ. Тааттаттан ыҥырыллыбыттар үгүстэрэ 1942 сыллаахха Ржев, Гжатскай куораттар иhин кыргыhыыга кыттыыны ылбыттара биллэр. Ити кырыыстаах сэриигэ кыттыбыт Христофоров Иван Никифорович кэпсииринэн: «Ити кыргыhыыга саха элбэх этэ, сэрииттэн тахсыыбыт сађана адьас ађыйах саха хаалбыта, сэрии толоонугар охтубут буолуохтаахтар»,- диэн бэлиэтиир.

Егор Миронов 1942 сыл алтынньы ыйга «сурађа суох сүттэ» диэн биллэрии кэлбитэ, сэрии сыллаађы архыып дьыалатыгар 227 нүөмэринэн киллэриллибит.  Биллэриигэ хайа миэстэђэ сурађа суох сүппүтэ ыйыллыбатах.

(Бравин Д.Г. Кинилэр кыайыыга дьулуспуттара (1941-1945). Таатталар Аҕа дойду сэриитигэр. -Таатта улууhун типографията. 2005)