Михайлов Егор Николаевич  (1906-1951)  Аҕа дойду Улуу сэриитин кыттыылааҕа

 Сэрии иннинэ «Кыhыл Алдан» колхозка булчут этэ. 1942с. армияђа ыҥырыллыбыт. Япония  сэриитигэр кыттыбыт. 1944 с. атађар бааһыран төрөөбүт алааһыгар эргиллэн кэлбит. Сэрии кэнниттэн колхозка үлэлээбит. 1952 сыллаахха сэриигэ ылбыт бааhырыытыттан өлбүт. «Германияны Кыайыы» иһин мэтээллээх.

***

1910 сыллаахха Уус Маайаҕа Эдьээҥҥэ төрөөбүтэ. Бииргэ төрөөбүттэрэ төрдүөлэр этэ. Оччоотооҕу дьон кэминэн эдэр сааһа фермаҕа ааспыта. Ол кэмҥэ, фермаҕа үлэлии сылдьан, олоҕун аргыһын Мырылаттан төрүттээх Аграфена Алексеевнаны  (1915-1985сс.) көрсөн, ыал буолан уһун сылларга түөрт оҕолонон дьоллоохтук олорбуттара.

Сэрии иннинэ, 1940 сыллаахха, Мас Аппаҕа балыксыттар артыаллара тэриллэн, онно балыксыттаабыта.

1942 сыллаахха Аҕа дойду сэриитигэр хаһыа да буолан «Кыһыл Алдантан» ыҥырыллан барбыттара. Арҕаа фроҥҥа сэриилэспитэ. 1944 сыллаахха атаҕар бааһыран дойдутугар төннөн кэлбитэ. Хорсуннук сэриилэспитин иһин икки наҕараадалаах кэлбитэ. Кэлэн тыылга күүстээх үлэҕэ умса түспүтэ. Быраатынаан Иннокентий Николаевичтыын тыылга булчуттаан «туох барыта — фроҥҥа» диэн туран хоһууннук күнүстэри-түүннэри үлэлээбиттэрэ. Сэрии кэнниттэн кадровай булчутунан үлэлээбитэ. Кэнники сылларга сэриигэ ылбыт атаҕын бааһа бэргээн, гангрена буолан, 1952 сыллаахха олохтон туораабыта.

Эһэм Егор Николаевич киһи быһыытынан үтүөтүн, сымнаҕаһын, үлэһитин, кыһамньылааҕын оҕо эрдэхпиттэн истэн улааппытым.

Эһэм наҕараадалара:

— «За победу над Германией в ВОВ -1941- 1945гг.»

— «За доблестный труд в ВОВ 1941-1945гг.»

Михайлов Егор Романович, сиэнэ.