Мординов Трофим Егорович (1915-2007) «Албан аат III-с степеннээх», «Ађа дойду сэриитин II-с степеннээх» орденын,  «Хорсунун иһин», «Будапешт куораты ылыы иһин» мэтээллэр кавалердара. Саха Республикатын үтүөлээх учуутала, Таатта улууһун бочуоттаах гражданина.

  Армияђа 1943с. ыҥырыллыбыт. Биир сыл Монголия кыраныыссатыгар 16-с коннай депођа сулууспалаабыт. 1944 с. Арђаа фроҥҥа ыыппыттара. Румынияны, Венгрияны, Чехословакияны босхолооһуҥҥа кыттыбыт. Кыһыл Знамялаах Суворов, Кутузов орденнардаах 4-с кавалерия корпуһун 138-с полкатыгар пулемётчигынан сулууспалаабыт. 1946с. дойдутугар этэҥҥэ эргиллибит. 6 төгүл Верховнай Главнокомандующай Махтал суругунан нађараадаламмыт,  «Албан аат III-с степеннээх», «Ађа дойду сэриитин II-с степеннээх» орденын,  «Хорсунун иһин», «Будапешт куораты ылыы иһин» мэтээллэр кавалердара. Саха Республикатын үтүөлээх учуутала, Таатта улууһун бочуоттаах гражданина.

***

Трофим Егорович Мординов сэттэ ый кэриҥэ үргүлдьү илиҥҥи Европа дойдуларын босхолуур иһин кыырыктаах кыргыһыыларга сылдьыбыта. Сэттэ ый устата хабыр хапсыһыылартан тыыннаах ордон испитэ. «Ɵлөр туһунан төрүт санаабат этим. Ол иһин буоллађа буолуо, буулдьа тумнар курдуга, көннөрү суоһурђанан сиритэ-хайыта көтөрө»,- диэн Трофим Егорович оонньуу- күлүү былаастаан ааспыты ахтар.

Т.Е.Мординов Суворов, Кутузов, Кыһыл Знамя орденнаах 4-с кавалерийскай корпус 138-с полкатыгар отделение командирынан, ручной пулемет 1-гы  нүөмэринэн сылдьан, Европа дойдуларын сыыйбыта.

Фроҥҥа сылдьан эскадроҥҥа пропагандист этэ, дивизия комсомольскай тэрилтэтин секретарынан үлэлээбитэ, полк комсомольскай комитетын чилиэнинэн талыллыбыта. Оттон 1943 с. партияђа ылыллыбыта. Кишинев (Молдавия) — Яссы (Румыния) куораттар туһаайыларынан Илиҥҥи Карпаттары чиэрэстээн Румынияны босхолуур иһин улахан кыргыһыылар буолбуттара. Бу кыргыһыыларга Трофим Егорович снайпер-пулеметчик быһыытынан, командир уонна полит-үлэһит быһыытынан наар инники кэккэђэ сылдьыбыта.

Трофим Егорович Дебрецен, Будапешт (Венгрия), Братислава, Брно (Чехословакия) куораттары босхолооһун уонна Тиса, Морава өрүстэри туорааһын иһин алта төгүл Верховнай Главнокомандующай И.В.Сталин Махтал суруктарын ылбыта. Бэйэтин эрдээх, хорсун-хоодуот сэрииһит быһыытынан, саталлаах, кыайыыга дьулуурдаах пропагандист- күүрдээччи баһыытынан көрдөрбүтэ. Ол да иһин полка тапталлаађынан буолбута.

Наҕараадалара:  Алта төгүл Верховнай Главнокомандующай И.В.Сталин  Махтал суруктара, »Албан Аат» III степеннээх ордена,  Ађа дойду Улуу сэрииитин II степеннээх ордена,  «Хорсунун иhин» мэтээл, «Будапешт куораты ылыы иhин» мэтээл. Саха Республикатын Yтүөлээх учуутала, Таатта улууhун бочуоттаах гражданина.