Петров Павел Гаврильевич (1908-1987) Аҕа дойду Улуу сэриитин кыттыылааҕа «Хорсунун иһин»,  «Германияны кыайыы иһин» мэтээллэр кавалердара

 Таатта оройуонугар Дьиэбэгэнэ нэһилиэгэр төрөөбүтэ. 1942с. армияђа ыҥырыллыбыта. Уралга байыаннай-политическай бэлэмнэниини ааһан, фроҥҥа барбыта. Москва оборонатыгар, Ивановскай уобаласка хас да дэриэбинэни босхолооһуҥҥа, Новгород куораты ылыыга  кыттыбыта. 19-с хайыһар туспа биригээдэтин састаабыгар киирсэн Ильмень күөллээђи кыргыhыыга күөлү этэҥҥэ туораан, Старай Русса дэриэбинэђэ кыргыһа сылдьан улаханнык бааһырбыта. «Хорсунун иһин»,  «Германияны кыайыы иһин» мэтээллэринэн нађараадаламмыта.  1944с. инбэлиит буолан төннүбүтэ. Эргиллэн кэлэн Чычымахха сельпо председателинэн, сођотуопка  отделын сэбиэдиссэйинэн үлэлээбитэ.

***

Павел Гаврильевич 1908 с. Боотурускай улуус  Ойуун ууhун нэhилиэгэр дьадаҥы  дьиэ кэргэҥҥэ төрөөбүтэ. Yс группа үөрэхтээх. Гражданскай сэрии буолан салгыы үөрэнэр кыађа суох буолбута.  1926 с. Саха сирин Кыhыл армиятыгар киирсэн, саа тутан, ГПУ этэрээтин  кытта Алданынан, Ɵймөкөөнүнэн, Уус-Майанан, Уус-Алданынан сылдьыбыта.

1929 с. Чөркөөххө кэлэн туорах бурдук тутуутугар приемщигынан, 1930 с. Тыараhађа продавеhынан үлэлээбитэ. 1932 с. Чычымахха сельпо председателинэн, 1938 с. «Кыhыл  Күүс» колхозка хонуу үлэтигэр, Ааллаах-Yүҥҥэ таhађас таhыытыгар  биригэдьииринэн  үлэлээбитэ.  

1942 с. армияђа ыҥырыллыбыта, бэс ыйын бүтэhик күннэрэ этилэр. Ыҥырыллыбыттар бэрт элбэх этилэр. Уралга диэри бэрт уhуннук айаннаан тиийбиттэр. Биир ый байыаннай үөрэххэ сылдьыбыта, элбэххэ эрчиллибитэ. Хайыhар биригээдэтэ диэн баара. Онно барыта 41000 киhи киирэрэ. Күн ахсын дьаныардаахтык  дьарыктаналлара. Кытаанах кыргыhыы Старай Руссађа Ильмень күөлгэ буолбута. Манна элбэх өлүү- сүтүү тахсыбыта. Хайыhардьыттар тобохторо 20-с биригээдэђэ холбоспуттара. Павел Гаврильевич күөлү туораан, Старай Руссађа чугаhаан баран ыараханнык бааhырбыта.

1944 с. Павел Гаврильевич дойдутугар эргиллибитэ уонна пенсияђа тахсыар диэри сельпо сүнньүнэн үлэлээбитэ.

Бэйэтин тылыттан сурулунна.

1985 с. Чычымах

Наҕараадалара:  »Германияны кыайыы» иһин мэтээл, »Хорсунун иһин» мэтээл, юбилейнай мэтээллэр. Yчүгэй үлэтин иhин  элбэх грамоталар.