Портнягин Гаврил Васильевич (1917-1944) Аҕа дойду Улуу сэриитигэр олоҕун толук уурбут буойун

 II Алдан нэһилиэгэр төрөөбүт. Фроҥҥа барыар диэри учууталынан үлэлээбитэ. 1942с. армияђа ыҥырыллыбыт. Уралтан 19-с биригээдэ хайыһардьыттарын батальонун састаабыгар киирсэн барбыта. Младшай сержант званиелаах рота командира эбит. Калининскай уобаласка Моисеевка дэриэбинэтин иһин кыргыһыыга ыараханнык бааһыран баран, ыам ыйын 1 күнүгэр 1944 с. өлбүт.

***

Гаврил Портнягин 1917 сыллаахха Таатта оройуонугар II-с Алдан нэhилиэгэр МасАппа диэн сиргэ төрөөбүтэ. Кэлин Аҕа дойду сэриитин кэнниттэн нэhилиэк эстибитэ. Олохтоохтор бары Аллараа Амма уонна Уус Амма нэhилиэктэригэр көhөн олохсуйбуттара.

Гаврил 1942 сыл бэс ыйыгар Кыhыл Армия кэккэтигэр ыҥырыллар. Байыаннай-политическай бэлэмнэниини Молотов аатынан куоракка байыаннай полигоҥҥа барар. 19-с туспа хайыhар биригээдэтин састаабыгар сылдьан үөрэнэр. Үөрэх кэнниттэн Арҕаа фроҥҥа атаарыллар.

 1999 сыллаахха (23.12) 19-с туспа хайыhар биригээдэтин састаабыгар үөрэммиттэр дьылҕаларын туhунан «Саха сирэ» хаhыакка бэчээттэммит матырыйаалга «1943 сыл кэнниттэн кыргыс хонуутугар охтубуттар» диэн төбөҕө Гаврил Портнягин аата суруллубут.

Гаврил Васильевич Портнягин младшай сержант званиелаах сэриилэhэ сылдьан 1944 сыл ыам ыйын 1 күнүгэр Калининградскай уобаласка Моисеевка дэриэбинэҕэ ыарахан бааhырыы кэнниттэн өлбүтүн туhунан биллэрии кэлбитэ.

«Список военнослужащих, погибших на фронтах Великой Отечественной войны 1941-45 годов» диэн дьыалаҕа 133 киhинэн суруллар. Ити дьыалаҕа хантан ыҥырыллыбыта, хаhан өлбүтэ, өлбүт биричиинэтэ уонна хайа сиргэ, миэстэҕэ өлбүтэ ыйыллар. 1995 сыллаахха Тааттаҕа бэчээттэммит «Өйдөбүнньүк» кинигэ бастакы чааhыгар Псковскай уобаласка Мартюша диэн дэриэбинэҕэ өлбүтүн туhунан суруллар. (стр.44-45). Ити хантан ылыллыбыт дааннайа биллибэт. Архыып дьыалатыгар суруллубут кырдьыктаах буолуон сөп.

(Бравин Д.Г. Кинилэр кыайыыга дьулуспуттара (1941-1945). Таатталар Аҕа дойду сэриитигэр. -Таатта улууհун типографията. 2005, 157-158 стр.)