Посельскай Илья Иннокентьевич (1920-2002) Аҕа дойду Улуу сэриитигэр үлэ фронун кыттыылааҕа

 1943 сыл ыам ыйын 23 күнүгэр Чурапчы холбоһуктаах оройуоннаађы военкоматын  ыҥырыытынан армияђа барбыта. Забайкальскай байыаннай уокурук 715 стрелковай полкатыгар стрелогунан сулууспалаабыт. Доруобуйатын туругунан 1944 с. Читинскэй уобаласка үлэ фронугар сулууспалыы сылдьан 1946 с. демобилизацияланан дойдутугар төннүбүтэ.  Колхозка, совхозка хонуу, сүөһү биригэдьииринэн уонна да атын араас үлэђэ үтүө суобастаахтык үлэлээбитэ. »Германияны кыайыы иһин» мэтээллээх.

***

Мин 1920 с. Сыырдаах диэн сиргэ төрөөбүтүм. Кыра эрдэхпиттэн дьоммор көмөлөhөн ыкса киэhээҥҥэ диэри үлэлиир этим. Бэйэм 7 кылааhы бүтэрбитим. Yөрэнэ киирэрбэр үөрбүтм эриэхсит!

Сэрии сыллара сађаламмыттара. Сайын от оттоhон, бурдук бысыhан үлэ бөђөнү үлэлиир этим. Кэнники колхоз биригэдьиирэ буолбутум. Yлэм сүрдээх эппиэтинэстээх этэ.  Ону толорорго сүрдээђин кыhаллан туран үлэлээбитим. Ол курдук, үлэлии сылдьан 1943 сыллаахха үлэ фронугар ыҥырыллан Улан-Удэђэ тиийбитим. Мас кэрдэрбит. Ону станцияђа киллэрэн, таҥастаан, поездка тиэйэн арђаа ыытарбыт. Оччолорго олус кытаанађа. Фронтан кэлбит сиидэ буолбут синиэли кэтэрбит. Аhылык да кэмчи буолара. Ону ол диэбэккэ үлэ-хамнас күөстүү оргуйара. Дьоннор фроҥҥа үксүн тылланаллара. Онтон син биир барбаттара. Трудовой фронт хаана суох фронунан ааттанара.

Дойдум дьоно син үгүс этилэрэ. Г.С.Халыев, М.И.Рахлеев уо.д.а. бааллара. Дьэ, ити курдук үлэлээн баран, 1946 сыллаахха дойдубар эргиллэн кэлбитим. Ахтылђаннаах Сахам сиригэр, дьэ, үктэммитим.

1975 с.

(Харбалаах. Орто Амма нэһилиэгэ. Таатта улууhа / хомуйан оҥордулар: Бястинов Г. П., Блахирова В. В. – Дьокуускай, Бичик, 2005.)