Посельскай Петр Андреевич (1917-1975) Аҕа дойду Улуу сэриитигэр үлэ фронун кыттыылааҕа

 1943с. бэс ыйыгар фроҥҥа ыҥырыллыбыт. Бурят-Монголия сиригэр сулууспалаабыт. Yлэ фронун кыттыылаађа. Мас сођотуопкатыгар үлэлээбит. 1944с. кулун тутарга дойдутугар эргиллэн кэлэн сельсовет секретарынан, сельпо председателинэн, интернат сэбиэдиссэйинэн, детсадка, оскуолађа счетоводунан уһун сылларга  үлэлээбитэ. 1941-1945 с.с. «Ађа дойду Улуу сэриитигэр килбиэннээх үлэтин иһин» мэтээллээх.

***

1912 с. Игидэй нэhилиэгэр дьадаҥы кэргэҥҥэ төрөөбүтэ. 1917 с. Аллараа Амма нэhилиэгэр дьадаҥы дьиэ кэргэн иитэ ылбыттар. 1932 с. Чычымах оскуолатыгар 3-с кылааhы үөрэнэн бүтэрбитэ уонна советскай-партийнай оскуола 8 ыйдаах курсун үөрэнэн бүтэрбитэ.

1937 с. Аллараа Амма сельсоветын секретарынан, 1938 с. заготсекторынан, 1940 с.  Аллараа Амма сельсоветын председателинэн үлэлээбитэ. 1943 с. армияђа ыҥырыллыбытынан председатель эбээhинэhиттэн босхоломмута. 1944 с. армияттан кэлэн баран заготсекторынан, Чычымахха сельпо председателинэн үлэлээбитэ. 1949 сылтан 1950 сылга диэри сибээс үлэтигэр, 1950-1959 сс. Ытык Күөлгэ продавеhынан, 1951-55 сс. Чычымахха от тутар пуун сэбиэдиссэйинэн, 1959-63 сс. сельсовет секретарынан үлэлээбитэ. 1963 сылтан ыла Чычымах дьааhыла садыгар, ађыс кылаастаах оскуолађа счетоводунан уонна завхоhунан, интернат заведущайынан үлэлээбитэ.

Петр Андреевич 1975 с. эмискэ ыалдьан биhиги кэккэбититтэн туораабыта.

Бэйэтин ахтыытыттан суруйда Сидорова А.М.

1985 с.