Посельскай Роман Пудович (1894-1983) Аҕа дойду Улуу сэриитигэр үлэ фронун кыттыылааҕа

  1933-34с.с. Амма сельскэй сэбиэтин  исполкомун председателинэн үлэлээбит. 1943-45 сылларга үлэ фронугар сулууспалаабыт. «Чычымах» колхозка үлэлээбитэ. «1941-1945 с.с. Ађа дойду Улуу сэриитигэр килбиэннээх үлэтин иһин» мэтээллээх.

***

Эбэм — Марина Семеновна Посельская (Татаринова), эhэм- Роман Пудович Посельскай.  Кинилэр холбоhон ыал буолан, икки кыыстаммыттар. Биирэ мин ийэм — Аграфена Романовна уонна балта Прасковья Романовна диэн, кини эмиэ элбэх  ођолоох этэ. Мин Аграфена Романовнађа уонна Куприян Ивановичка алтыс ођонон төрөөбүппүн. Сэттэ ыйдаахпар дьиэлэрин кэҥэтээри, кып-кыра дьиэђэ олорбуттар быhыылаах, дьааhылађа биэрбиттэр. Онно өр сылдьыбатахпын, арааhы барытын аhаталлара буолуо, онно иhим тођо баран уҥуохтаах тириим хаалбытын кэннэ, икки харађа суох эбэбэр биэрбиттэр. Эhэлээх эбэм миигин кыра эрдэхпиттэн өргө дылы көрбүттэр эбит. Кинилэргэ улаатыахпар диэри сылдьыбыппын. Кэнники дьиэбит ыраах буолан буолуо, 1965 с. 1 кылааска кинилэргэ олорон үөрэммитим.  Хара уhун дьиэђэ оскуола баара. Эhэм онно  харабыллыыр этэ.

Оччолорго Ким Пантелеймонович Малышев — директор, Аграфена Порфирьевна Малышева завуч этилэр. Эhэбинээн наhаа эйэлээхтэр быhыылаах этэ. Биhиэхэ элбэхтэ киирэр, сылдьар этилэр. Эhэм оскуолађа хас күн аайы хонор этэ. Сарсыардаттан оскуола тэлгэhэтигэр хаар күрдьэрэ, миинньиктиирэ. Мин үhүс кылааhы  бүтэрбит сайыммар, 1968 с. эбэм 68 сааhыгар үс күн комађа сытан баран бараахтаабыта. Онуоха дылы кинилэргэ олорбутум.

Онтон эhэм сиэн уолунаан Романныын олорбуттара. Эhэм кырдьар сааhыгар 1970 с. дылы оскуолађа сүрдээх уhуннук үлэлээбитэ. Сүрдээх үлэhит ођонньор этэ диэн өйдүүбүн. Оскуола ис-тас үлэтин барытын үлэлиир этэ. Ытык Күөлгэ миэхэ олорон ыалдьан, 1983 с. Чычымахха көhөн киирбиппит. Онтон 85 сааhын туолан баран, ол сайын өлбүтэ.

 Кинилэргэ бастакы  кылаастан үhүс кылааска дылы олороммун сайынын үс киилэлээх сыыҥкабай бөтүөннээх этим, онно дьоммуттан наар үүт таhар этим. Yөhэнэн Тоото сыырынан киирэн тыаны быыhынан сылдьарым, киhи уҥуођун плитата бөђө баара, ону кэнники хомуйбуттара. Кирпииччэ үктүүр сирдэрэ, гражданскай  сэрии памятнига баара. Итинэн барытынан сылдьар этим. Чыычаах уйатын, чыычаах сымыытын көрөрүм, хата тыыппат этим. Дьэдьэн үүммүт кэмигэр дьэдьэн үргүүр этим. Син ыраах хааман үүппүн ађалар эбиппин. Сайын аайы итинник үүт таhарым. Биhиги дьоммут сүөhүлээх-астаах этилэр буоллађа дии.

Эhэм туhунан өйдөбүл итинник. Эдэр сылдьан тугу үлэлээбитин билбэппин, наар оскуолађа үлэлээбитин өйдүүбүн.

Софронова Александра Куприяновна, сиэнэ

Кулун тутар ый, 2025с.