Прудецкай Егор Егорович (1921-194..) Аҕа дойду Улуу сэриитигэр олоҕун толук уурбут буойун

 1942с. олунньуга Дьокуускайга тыа хаһаайыстыбатын техникумугар үөрэђин бүтэрэр сылыгар сэриигэ ыҥырыллыбыт. 1944 с. 53-с гвардейскай танковай Фастовскай Кыһыл Знамялаах биригээдэ мотобатальонун пулеметнай взводун хамандыыра, гвардия младшай лейтенана. »Кыһыл Сулус» орден кавалера, »Хорсунун иһин» мэтээллээх. 1945 с. Висла-Одерскай операцияђа Польшаны босхолоһон Чарна Нида өрүс туорааһыныгар кыргыһыыга сылдьан бааһырбыт. 1945с. тохсунньу 14 күнүгэр госпитальга сытан суруйбут тиһэх суруга кэлэр. Онтон ыла  ханна тиийбитэ биллибэт.

***

1921 сыллаахха төрөөбүтэ. 1937 с. Чычымах сэттэ кылаастаах оскуолатын ситиһиилээхтик бүтэрэн олунньуга Дьокуускайга тыа хаһаайыстыбатын техникумугар үөрэнэр. 1942 с. ветеринарнай отделениены бүтэрээри сырыттађына Ађа дойдуну көмүскүүр сэриигэ ыҥырыллыбыт.

Кини хорсун командир, буойун буоларын туоһулуур докумуоҥҥа этиллэринэн, 1944 с. атырдьах ыйын 15 күнүгэр 53-с гвардейскай танковай Фастовскай Кыһыл Знамялаах биригээдэ мотобатальонун пулеметнай взводун хамандыыра, гвардия младшай лейтенана Е.Е.Прудецкайга  »Кыһыл Сулус» орден туттарыллыбыт. Иккис докумуоҥҥа 1945 c. кулун тутар 14 күнүгэр гвардия младшай лейтенана Е.Е.Прудецкай  »Хорсунун иһин» мэтээлинэн нађараадаламмыт. Подольскай куорат архыыбын даннайынан Егор Егорович 1945 с. муус устарга сэриилэһэ сылдьан бааһыран госпитальга киирбит. И.Ф.Иванов «По зову Родины» диэн кинигэтигэр гвардия младшай лейтенанын бойобуой сырыыларын туһунан сиһилии суруллар.

Саха АССР үтүөлээх учууталар Малышев Н.Р. ахтыытыгар этэр: «Львовскай корпус 17-с гвардейскай Петровскай Кыһыл Знамялаах Суворов орденнаах биригээдэтигэр бастакы мотострелковай батальоҥҥа взвод хамандыырынан ананан 1945 с. тохсунньу 14 күнүгэр  Висла-Одерскай операцияђа Польшаны босхолоһон Чарна Нида өрүс туорааһыныгар кыргыһыыга сылдьыбыт. Манна кини хамаандалыыр взвода өстөөх алта төгүл хардары атаакалааһынын төттөрү охсубут.

1991 с.. тохсунньу 17 күнүгэр Подольскай куорат киин архыыба маннык суругу ыыппыта: «Донской байыаннай уокурук 30-с №-дээх атырдьах ыйын 21 к. 1945 с. бирикээһинэн 1-кы стрелковай рота 123-с стрелковай отдельнай  батальонун коменданынан ананан транспоры маныыр буолбут. Ити кэннэ 1946 с. кулун тутарга Е.Е.Прудецкай офицерскай харчытын ылбытын илии баттааһына туоһулуур. Бу кэмҥэ батальону ыспыттар. Онтон ыла кини дьылђата биллибэт».

( Көрдөрүүлээхтэн силис тардан /хомуйан оҥордо Л.Я. Васильева. – Ытык Күөл: «Таатта» хаһыат редакцията, 2010. –132 с.)