Сивцев Семен Поликарпович (1916-2004) «Кыһыл сулус», «Ађа дойду улуу сэриитин» I степеннээх орденнар,  «Германияны кыайыы иһин» мэтээл кавалердара, улуус бочуоттаах гражданина.

 Армияђа 1941с. ыҥырыллыбыт. Сталинградтаађы кыргыһыы кыттыылаађа. Орловскай уобалас тимир суол станциятыгар буолбут кыргыһыыга атађар улаханнык бааһыран Ростов куорат госпиталыгар киирбит. Онтон Ставропольскай кыраай Ессентуки куоратыгар госпитальга уһуннук эмтэнэн баран, 1943с. 2-с группалаах инбэлиит буолан, дойдутугар төннөр. «Кыһыл сулус» орден, «Ађа дойду улуу сэриитин» I степеннээх орден,  «Германияны кыайыы иһин» мэтээл кавалера, улуус бочуоттаах гражданина.

***

1916 с. Улуннаах үрэђэр Алдан нэhилиэгэр төрөөбүтүм. Чычымах оскуолатыгар биэс кылааhы бүтэрбитим. Ол кэнниттэн Чычымахха 1937-38сс. колхоз солбуйар председателинэн үлэлээбитим. Онтон биригэдьииринэн, сылгы ферматыгар сэбиэдиссэйинэн үлэлээбитим. 1941 с. балађан ыйын 15 күнүгэр армияђа ыҥырыллан Монголияђа тиийбитим. Онно тохсунньу 1942с. диэри сылдьан баран кавалерияђа Нижнеудинскайга Иркутскай чугаhыгар баран үөрэммитим. 1942с. балађан ыйыгар арђаа фроҥҥа Ленинградка тиийэн баран, Сталинград туhаайыытыгар тимир суолунан барбыппыт. Онно кыргыhыы хонуутугар сэриилэспитим, элбэх дэриэбинэлэри босхолоспутум. Бааhыран госпитальга  Ростов куоракка, онтон Ставропольскай кыраайга Ессентуки куоракка 4 ый кэриҥэ эмтэммитим.

 1943 cыл кулун тутар ыйга демобилизацияланан  дойдубар эргиллибитим. Кэлэн баран сельпођа заготсекторынан уонна солбуйааччы председателинэн үс сыл үлэлээбитим. Кэлин колхозка хас да сыл хонуу биригэдьииринэн, сылгыhытынан, окко звеневодунан үлэлээбитим. 1971 с. бочуоттаах сынньалаҥҥа тахсыбытым.

Нађараадаларым: «Кыһыл сулус» орден, Ађа дойду улуу сэриитин I степеннээх ордена,  «Германияны кыайыы иһин» мэтээл, улуус Бочуоттаах гражданина.  

Сивцев С. П.  кэпсээниттэн ахтыыны суруйда Сидорова А.М.

15.02.1985 с.