Хатылыков Егор Егорович  (1915-1942)  Аҕа дойду Улуу сэриитигэр олоҕун толук уурбут буойун

   Аллараа-Амма нэһилиэгэр төрөөбүт. Сэрии иннинэ 1936с. Дьокуускайдаађы тыа хаһаайыстыбатын техникумун бүтэрэн Ньурба оройуонугар ветеринарынан үлэлээбит. 1941с. Ађа дойду Улуу сэриитигэр ыҥырыллан кавалерияђа сулууспалаабыт. 1942 с. өлбүт, ханна көмүллүбүтэ биллибэт.

 ***

  Мин кэргэним Валерий Егорович ађата Хатылыков Егор Егорович 1938 с. тыа хаhаайыстыбатын техникумун бүтэрэн баран, Ньурбађа ветеринарынан ананан кэлбитэ.  1938-39 сс. Хатыҥ-Сыhыыга ветеринарнай пуун тэрийэн үлэлэппитэ. 1939 с. «Сталин» колхозка ыанньыксытынан  үлэлиир Саввинова Татьяна Николаевнаны кэргэн ылан, ветеринария тиэргэнигэр          турар уопсайга олорбуттар. 1940с. уол ођоломмуттар.Оччолорго 700-800 солк. хамнастаах, улаханнык убаастанар билиилээх-көрүүлээх ветеринар эбит. Уустук операциялары да оҥороро үhү.

Бастакы хомуурга уоттаах сэриигэ барар туhунан бэбиэскэ туппут. Кэргэнэ Татьяна Николаевна ыалдьар буолан, кинини дьонугар Антоновкађа көhөрөн киллэрбит. Кэргэнэ: «Бронь ылан хаалбаккын дуо?»- диэн көрдөспүтүгэр : «Yөрэнэ сылдьан начальнай байыаннай бэлэмнэниини ааспытым. Куттаныма миигин идэбинэн туhаныахтара»,- диэбит.

Васильева Д.И. кэргэнэ, таайым Егор Михайлович, эмиэ бастакы хомуурга барбыта. «Чита куоракка диэри бииргэ айаннаабыппыт, онтон араарбыттара»,- диэн таайым суруйбут этэ. Эhэбит барбытын кэнниттэн икки суругу туппуттар. «1942 с. сэриигэ дойдубутун көмүскүү өстөөхтөрү кытта киирсэ барабыт»,- диэн суруйбут уонна ол кэннэ сурук туппатахтар. Кэлин сэрии бүппүтүн кэнниттэн огдообо кэргэнэ ирдэhэн «Сурађа суох сүттэ»,- диэн эппиэт сурук ылбыт, онно олођуран ођотугар Валерийга пенсия анаппыт.

1970-с сыллардаахха диэри сурађа суох сүппүтүн итэђэйбэккэ,  бађар бааhыран госпитальга эмтэнэ сытара буолуо диэн эhэбит үлэтигэр илдьэ сылдьыбыт тирии бартыбыалын, шприцтэрин, ветеринария кинигэтин уура сылдьыбыт. Кэлин Татьяна Николаевна балтын Васильева Федора Николаевна бастакы ођолоругар оонньоторугар көҥүллээбит.

Татыйаана, төhө дађаны ыарыhах буоллар, уолун Валерийы улаатыннаран, оскуолатын бүтэттэрэн, Москвађа Тимирязевскай академияђа үөрэххэ ыыппыта. Уола Валерий Егорович инженер-механик идэтин талан, үс сыл үөрэммитин кэннэ тыа хаhаайыстыбатын факультетын студеннарын Кострома куоракка Караваево хаhаайыстыбатын  сайыннараары көhөртөөбүттэрэ.

Валерий ийэтэ ыарыыта бэргээн акдемическай уоппуска ылан дойдутугар кэлбитэ. Кэлин устунан кэргэннэнэн, ођо-уруу төрөтөн, дьиэ-уот тэринэн, «Ньурба» совхоз муҥутаан сайдан турар кэмигэр суоппар-механигынан үлэлии сылдьан, сидьиҥ өлөрүөхсүттэн сырдык тыына быстыбыта.

Сэрии толоонугар охтубут буойуттар болуоссаттарыгар баар мемориальнай истиэнэђэ «Эргиллибэтэх буойуттар» ааттарыгар биhиги эhэбит аата эмиэ суруллан турар.

Биhиги эhэбитин билэр үтүө-мааны кырдьађастартан Хатылыков Егор Егорович бииргэ алтыhан үлэлээбит, сэриигэ кыттыспыт дьонноруттан туох эмит иhитиннэриини кэтэhэбит. Ођолорбор, сиэннэрбэр эhэлэрин туhунан ахтыылары кэлин оскуолађа, детсадка сылдьалларыгар наада буолуо диэн суруйдум.

Кийиитэ Клавдия Михайловна Хатылыкова.

 (Олоххо эрэли өрө тутан: [ахтыылар] / хомуйан оҥордулар: К. А. Хатылыкова, Т. А. Хатылыкова. – Ытык Күөл : «Таатта» хаһыат  редакцията ГУ, 2016. )