Хатылыков Петр Степанович  (1925-1990) Аҕа дойду Улуу сэриитин кыттыылааҕа

 1943 c. армияђа ыҥырыллыбыта. Японияны утары сэриигэ кыттыбыт. Салгыы муора флотугар сулууспалаабыт. 1948с. дойдутугар эргиллэн Ытык Күөлгэ пенсияђа тахсыар диэри метеостанцияђа үтүө суобастаахтык үлэлээбит.

***

Убайбыт Бүөтүр — Петр Степанович Хатылыков 1943 с. сайынын сэриигэ ыҥырыллан, 284-с стрелковай дивизияђа автоматчигынан сылдьыбыта. Салгыы 1945 с. ити дивизия састаабыгар Японияны кытта сэриигэ кыттыбыта. 1945-46 сс. муоратаађы судостроительнай батальоҥҥа, 1946-48 сс. байыаннай-морской флот автотракторнай  отделениетыгар сулууспалаабыта.

Сэрии кэнниттэн 1948 сыллаахтан пенсияђа тахсыар диэри Ытык-Күөллээђи авиаметеостанцияђа биир кэмҥэ начальнигынан, кэлин техник кэтээн көрөөччүнэн үтүө суобастаахтык үлэлээбитэ. Ɵр сылларга үөлээннээхтэрин Н.И.Попову, И.И.Слепцову кытта олус тапсан, дођордоhон үлэлээбиттэрэ. Эҥкилэ суох үлэтэ Гидрометеосулууспа мэтээлинэн бэлиэтэммитэ.

Убай Бүөтүрдээх урукку авиапортан чугас Ионов аатынан уулусса сађаланыытыгар олорбуттара. Yөрэхпит, үлэбит быыhыгар кэлэн-баран иhэн,  үөhээнэн да, сиринэн да айан аартыгыттан ађыйах хардыы олорор дьоммутугар түhэн, хонон-өрөөн, сынньанан ааhарбытын олус махталлаахтык саныыбыт. Абађабыт Ыстапаан: «Аньыыhын ођолоро кэллилэр»,- диэн үөрэ көрсөр этэ.  Убайбыт Бүөтүр дуоспуруннаахтык, боччумнаахтык үөрэђи, үлэни туоhулаhара, сүбэлиирэ, такайара. Ɵрүүнэ илии-атах буолан көмөлөhөрбүтүттэн үөрэрэ, саҥас Даша истиҥник кэпсэтэ, чэйдэтэ олорор буолара. Ођолор Марина, Лана, Ира, Коля, Ваня, Аанчык харахпыт далыгар улааппыттара, бары биhиэхэ истиҥ, эйэђэс сыhыаннаахтар.

Ксения Анисимовна Хатылыкова

  (Олоххо эрэли өрө тутан: [ахтыылар] / хомуйан оҥордулар: К. А. Хатылыкова, Т. А. Хатылыкова. – Ытык Күөл : «Таатта» хаһыат  редакцията ГУ, 2016. )