Булдаков Иван Прокопьевич (1910-1941) Аҕа дойду Улуу сэриитигэр олоҕун толук уурбут буойун

7 кылаас үөрэхтээх, нууччалыы ыраастык саҥарар, техникађа олус дьођурдаах эбит. Бастакы колхозка кэлэр техниканы кини иитэн, үлэлэтэн, үөрэтэн биэрэрэ үhү. Колхоз наадатыгар Якутскайга була-тала, кэпсэтэ мэлдьи кини киирэр эбит. Сэриигэ барыан иннинэ суотчутунан, окко биригэдьииринэн үлэлээбит. 1941с. фроҥҥа ыҥырыллан барбыт. Ол сыл өлбүт, көмүллүбүт сирэ биллибэт.

***

Кэргэним Булдаков Иван Прокопьевич 1941 с. оттуу сылдьан сэрии сађаланарын кытта армияђа ыҥырыллан барбыта. Сэрии иннинэ кэргэним суотчутунан үлэлээбитэ. Онтон окко биригэдьииринэн үлэлээбитэ.

 Кэргэним 1941 с. сэриигэ барбытын кэннэ уол ођом биэс саастаах этэ. Ађам 80 саастаах этэ, ийэм харађа суох 70-тан тахсыбыт этэ. Олох олус кыһалђалаах ыар этэ. Ас-таҥас кэмчи кэмэ буолан, аччыктыыр, тоҥор эрэйин барытын билбиппит.

1941с. алтынньы ыйга кэргэним суруга кэлбитэ. Онно хаартыскатын ыыппыт этэ. «Фроҥҥа өстөөђү кытта кыргыһа бардым»,- диэн суруйбут. Онтон ыла сурађа суох сүппүтэ. Ол суругар: «Эһигини көрсүбэккэ барбыппыттан олус хомойобун»,- диэбит этэ. Кириэс Халдьаайыттан, оттуур сирдэриттэн бэбиэскэ тутаат, сатыы военкомакка барбыттар. Ол иһигэр мин кэргэним эмиэ.

1945с. саас кыайыы буолан үөрүү бөђөтүн үөрбүппүт. Саппыйа диэн сиртэн олохтоохтортон тођус киһи сэриигэ барбытыттын үс эрэ киһи тыыннаах ордон кэлбитэ. Yс бырааттыы Винокуровтар-Дмитрий Анисимович, Егор Анисимович, Павел Анисимович үһүөн кыргыһыы хонуутугар охтубуттара. Герасимов Роман Романович үлэ фронугар сылдьан өлбүтэ. Миронов Александр Куприянович уонна мин кэргэним Булдаков Иван Прокопьевич сэриигэ баран сурађа суох сүппүттэрэ. Миронов Гаврил Дмитриевич үлэ фронугар сылдьан баран тыыннаах эргиллэн кэлбитэ. Сэрииттэн тыыннаах Миронов Павел Христофорович, Герасимов Павел Романович  кэлбиттэрэ.

Сэрии бүтэн олох көнөн барбыта. Мин уолум Булдаков Гаврил Иванович 1955 с. сэттис кылааһы бүтэрэн баран киномеханик үөрэђэр үөрэммитэ. Ону бүтэрэн баран Аллараа Халымађа ананан үлэлии барбыта. Онно кэргэннэнэн ыал буолан үс ођоломмута. Мин 1953с. Никифоров Пантелеймон Николаевич диэн учуутал киһиэхэ кэргэн тахсыбытым. Билигин сааһым 74 буолла. Тастыҥ балтыларбар олоробун.

Булдакова Капиталина Дмитриевна, 1985 с.