Амма Аччыгыйа  сиэрдээх быһыы-майгы туһунан

• Үтүө киһи сүрүн бэлиэтэ—бииргэ үлэлиир до5отторун үрдэтэ, кинилэри киэргэтэ, бэлиэтии сылдьар.
•  Кырдьык кимиэхэ да балыйтарбат,  сырдык туохха да хаххалаппат, ньургун сүрэх туохтан да дьулуйбат.
•  Аан дойдуга туохтан да үчүгэй—эйэ, туохтан да куһаҕан—иҥсэ баар.
•  Сымнаҕас майгыннаах дьон ордук эр сүрэхтээх буолаллар. Киҥнээх уонна харса суох тыллаах киһи үксүгэр куттаҕас буолааччы.
•  Дьиҥ күүстээх уонна дьиҥ кэрэ хаһан да айдаана—дарбаана суох, сэмэй буолааччы.
•  Киһи көхсүгэр көстө сылдьар кыната суох. Кини сытыы кыната—өйүн, сүрэҕин дьулуура.
•  Доҕор көһүннэҕинэ, күүс холбонно да, эн барыны тулуйан, барыны кыайыаҥ.
•  Үтүө киһи ылбычча да соҕуһу тупсара, киэргэтэ сылдьар идэлээх.
•  Киһи киниттэн мөҕүллэрин да күндүтүк саныыр киһитэ баар буолар эбээт.
•  Олоххо мэлдьи үчүгэйи көрдүү сылдьар киһи, атын киһи туох эмэ үчүгэйи буллаҕына, кини эмиэ тэҥҥэ үөрсүбүтүнэн барар.
•  Куһаҕан киһи үтүөнү да холуннара, үрдүгү да намтата сылдьар адьынаттаах.
•  Киһини сааһын тухары махтаннарар үтүө-өҥө төһө харчыга турарынан буолбат, хаһан уонна хайдах оҥоһуллубутунан буолар.