1 Star2 Stars3 Stars4 Stars5 Stars (No Ratings Yet)
Загрузка...
98 views

Мамин Егор Павлович

Мамин

Егор Павлович

(1905-1983)

Таатта Дьохсоҕонугар төрөөбүт. «Егор Павлович барыны бары сатыыр уус, булчут, сылгыhыт буолан үлэни-хамнаhы үчүгэйдик билэрэ, сатабыллааҕа. Икки хараҥаны ситимнээн сылдьар үлэhит этэ. Ѳр сылларга кыладыапсыгынан үлэлээбит.  «Коммунист» хаhыат 1965 с. алтынньы 16 к. нүѳмэригэр бэчээттэммит «Булчут» ыстатыйатыгар М.Г. Соров : « Егор Павлович быйыл 60 сааhын туолла. Кини 10 сааhыттан булдунан дьарыктаммыт. Аҕа дойдуну кѳмүскүүр улуу сэрии саҕана биригэдьиирдээн тыатыттан 3 эрэ сыл тэйэ сылдьыбыттаах уонна 47 сыллар усталарыгар күндү түүлээҕи бултааhыҥҥа бэриллибит сорудаҕы бука толорботох сыла суох буолуо.  Егор Павлович эдэр сааhыттан күн бүгүнүгэр диэри бултааhыҥҥа куоталаhыыны таптыыр уонна көҕүлүүр идэлээх. Кэлин хас да сылларга бэйэтин бараа саастааҕа, колхоз биир бастыҥ булчута Иннокентий Михайловтыын куоталаhаллар. Кинилэр иккиэн оройуоҥҥа, республикаҕа биллэр чулуу булчуттар. Бэрди бэрт баhыйар диэбиккэ дылы, күндү түүлээҕи бултааhыҥҥа квартал аайы иккиэн илин-кэлин түсүhэллэр…»