1 Star2 Stars3 Stars4 Stars5 Stars (No Ratings Yet)
Загрузка...
98 views

Викторина түмүгэ

Суруйааччы Реас Алексеевич Кулаковскай төрөөбүтэ 110 сылыгар аналлаах  викторина түмүгэ.

Таатта улууһун үөрэнээччилэрин ортолоругар ыытыллыбыт викторинаҕа кыайыылаахтар :

1 миэстэ — Воронин Давид, Баайаҕа орто оскуолата, 7 кылаас үөрэнээччитэ

2 миэстэ — Варламов Эрсан, Хара-Алдан орто оскуолата, 3 кылаас үөрэнээччитэ.

3 миэстэ — Варламова Виктория, Хара Алдан орто оскуолата, 8 кылаас үөрэнээччитэ

Бары кыттыбыт оҕолорго уонна элбэх оҕону кытыннарбыт Хара Алдан орто оскуолатын библиотекарыгар Бочурова Августина Гаврильевнаҕа махтанабыт. Эһиэхэ бары үтүөнү, ситиһиилэри баҕарабыт.

 

Викторина  эппиэттэрэ:

  1. Реас Алексеевич Кулаковскай хаһан, ханна төрөөбүтэй? Эппиэтэ : Бүлүү куоратыгар, 1914 сыл муус устар 8 күнүгэр

2.Төрөппүттэрэ кимнээҕий? Эппиэтэ : Алексей Елисеевич Кулаковскай – Өксөкүлээх Өлөксөй, Евдокия Ивановна Лыскова

  1. Оскуоланы бүтэрэн баран хаһан, ханна үөрэммитэй? Идэтэ? Эппиэтэ :Чөркөөх сэттэ кылаастаах оскуолатыгар үөрэммит. 1936 сыллаахха ЯПТ бүтэрбит. Нуучча тылын уонна литературатын учууталын идэтин ылбыт. 1945-1948 сс. пединститутка үөрэммит
  2. Суруйааччы бастакы кинигэтин аата, хас сыллаахха бэчээттэммитэй? Эппиэтэ : «Сыккыс», 1965 с.
  3. Саха АССР спордун маастарын аатын ханнык көрүҥҥэ ситиһиитин иһин, хаһан ылбытай? Эппиэтэ : Эдэр сылдьан 42 м. 80 см (1932?) атах оонньуутугар кылыыга түспүт. 1974 с. 60 сааһын туоларыгар национальнай көрүҥҥэ Саха АССР спордун маастарын аата иҥэриллибит
  4. Реас Алексеевич дьаныардаах үлэтин иһин 1953 с.ханнык наҕарааданы ылбытай? Эппиэтэ : «Үлэҕэ туйгунун иһин» мэтээл
  5. Рeас Алексеевич хас сааһыттан булка сыстыбытай, бастакы булда тугуй? Эппиэтэ : Р.А. булка кыра сааһыттан сыстыбыт. «Биир ууга үс хонук» диэн кэпсээнигэр маннык суруйар : «.. һуу, бу үөрүүнү ! .. Өлбүт..Кус… Таппыппын! Ити куһу аан бастаан өлөрүүм. Дьэ, үөрүү да бөҕө буолар эбит!». (“Олох лабаалара”, стр. 475)
  6. «Эһэҕэ, тайахха дэгиттэр барар икки ыттаахпыт. Максим ыттара. Олортон кырдьаҕаһа кутуругун төбөтүгэр эрэ үрүҥ түүлээх ыас хара наһаа улахан ыт. Саха да боруодатыгар бөдөҥ ыт баар буолар эбит этэ. Ол ыт эһэни кытта охсуһан, агдатын этин ис ньапчыта көстө сылдьар гына тоҕо дайбаппыт. Кэлин ол миэстэтиттэн үрүҥ түү үүммүт…» Ханнык айымньыттан быһа тардыыный? Ыт аата? Эппиэтэ : «Тайахтаспытым» — «Булчут кэпсээннэрэ”. Ыт аата- Мохсоҕол.
  7. Дьаардаах оҕонньор оҕотун аата? Эппиэтэ :Бойуот
  8. Суруйааччы биир айымньытыгар улахан урууга сылдьан ойбон арыыттан алта удьааны испит киһи туһунан ахтыллар. Бу айымньы, киһи ааттара? Эппиэтэ : “Быргый кэпсээннэрэ ”- Быллыгынай Арамаан

11.»Хотоҥҥо ынах этэрэ сылдьар эдьиийбэр Балаайаҕа ыстанан киирдим: «Эдьиэй, ийэбит «нуучча аһын» аҕалбыт. Киэһэ сиир үһүбүт»,-диэн сонуммун кэпсии оҕустум.» Туох ас туһунан кэпсэнэрий? Эппиэтэ : Килиэп («Оҕо саас» -“Нуучча аһа”)

12.

«Аалай көмүс саҕахха

Аламай күн быгарын,

Сайыҥҥы сарсыардаҕа

Сарыал кыыһан килбэтэн,

Саҥа-иҥэ дэлэйэн,

Турбут эрэ барыта

Туойа сылдьар кэмигэр

Күөрэгэйбит-биэбэйбит

Күнү көрсөр ырыата,

Өйтөн сүппэт тойуга-

Өрүү олох аргыһа»

Хоһооҥҥо туох туһунан кэпсэнэрий? Эппиэтэ : Күөрэгэй

  1. «Орто дойду олохтооҕо Ордьоот оҕонньор»олоҥхоҕо Ордьоот оҕонньор эмээхсинэ кимий?» Эппиэтэ : Эмчиирэ
  2. «Киһи доҕоро» диэн сэһэнигэр Кэрэмэс бастакы булда? Эппиэтэ : Куобах
  3. » Оттон какардалаах хортуустаах,

чараас хара сукуна хомуһуоллаах,

үэһээ уоһугар чачаран көстөр ньуолах бытыктаммыт,

хаҥаһа кыараҕас уонна биллэ — биллибэт ыйаастыгас сытыы харахтаах, субурхай муруннаах, томтоҕордуҥу уһун ньылбаа сирэйдээх,

даллаҕар кулгаахтаах оҕо киһи туохха да аралдьыйбакка мас күрүөнү үрдүнэн ойон, дьиэҕэ көтөн түспүтэ». Бу ханнык айымньытыгар кими ойуулаан көрдөрөрүй? Эппиэтэ : «Аҕам олоҕо» сэһэнигэр Алексейы ойуулаан көрдөрөр.(дьиэтээҕи таптал аата Төттөй) («Аҕам олоҕо», стр. 27)

«Ньуоска аҥаара мэйиибэр

Ньээҥкэлээн кыра сылдьыбытым

Ньиччэҕэр эттээх уурааҕар

Ньиргийэн эмискэ таҕыста».

Ханнык кинигэтэ күн сирин көрбүтүгэр, кимиэхэ бу хоһоону анаан суруйбутай? «Аҕам олоҕо» кинигэтэ тахсыбытыгар  Н.Е. Винокуров-Урсуҥҥа анаабыт «Нууччалыы ыҥырбаппын. Сахабын». «Өксөкүлээх уола», стр. 14. Н.Е. Винокуров-Урсун ахтыыта