Саха суруйааччылара Аҕа дойду Улуу сэриитигэр
Навигация (только номера заданий)
0 из 11 заданий окончено
Вопросы:
- 1
- 2
- 3
- 4
- 5
- 6
- 7
- 8
- 9
- 10
- 11
Информация
«Мин бардым : бухатыыр эһэлэрим
Былыргы аартыктарын арыйан,
Күн дьонум дьоллоох көҥүллэрин
Хараҥа күүстэртэн харыһыйа.
Ийэ дойдум, норуотум ыҥырыыта
Эр сүрэхпин толугуруу мөҕүһүннэрдэ,
Фашист хааннаах баандаларын хампарытар
Өрөгөйдөөх айан суолугар үктэннэрдэ.»
Эллэй «Бырастыылаһыы»
Вы уже проходили тест ранее. Вы не можете запустить его снова.
Тест загружается...
Вы должны войти или зарегистрироваться для того, чтобы начать тест.
Вы должны закончить следующие тесты, чтобы начать этот:
Результаты
Правильных ответов: 0 из 11
Ваше время:
Время вышло
Вы набрали 0 из 0 баллов (0)
Рубрики
- Нет рубрики 0%
- 1
- 2
- 3
- 4
- 5
- 6
- 7
- 8
- 9
- 10
- 11
- С ответом
- С отметкой о просмотре
-
Задание 1 из 11
1.
Сэриигэ барбыт саха суруйааччыларыттан ким кыргыһыы толоонуттан эргиллибитэҕэй?
Правильно
Николай Кирикович Седалищев — Дьүөгэ Ааныстыырап (1913-1944).
1939 сылтан ССРС Суруйааччыларын союһун чилиэнэ, биллиилээх прозаик. Үөһээ Бүлүү Кэнтигэр төрөөбүтэ. Бүлүүтээҕи педтехникум икки курсун бүтэрбитэ. 1938 с. "Бэлэм буол" хаһыат эппиэттир сэкэрэтээринэн, онтон редакторынан анаммыта. 1941 с. армияҕа ыҥырыллыбыта. Калинин уонна Ленинград куораттар туһаайыыларыгар буолбут хабыр хапсыһыыларга кыттыбыта. 1944 с. олунньутуттан дьонугар суруга кэлбэт буолбут. Онтон ыла сураҕа суох сүппүттэр кэккэлэригэр киирбитэ.
Неправильно
-
Задание 2 из 11
2.
«Сылайан охторбут буоллар эрэ, «Хайыһары» тардан кэбиһэрбит. Элбэх саханы бу ырыа өйөөбүтэ, кинилэргэ күүс-сэниэ эппитэ. «Хайыһар» саха дьолугар айыллыбыт ырыа».
Бу ханнык буойун-суруйааччы тылларай ?
Правильно
Алексей Спиридонович Бродников (1917-1998).
1942 с. Чурапчытааҕы С.А. Новгородов аатынан педучилищены бүтэрэн, с аҥа учууталлаан иһэн Кыһыл Армия кэккэтигэр ыҥырыллыбыта. Свердлов куоракка байыаннай бэлэмнэниини ааспыта. Снайпер үөрэҕин барбыта. Онно тэриллибит 20-с нүөмэрдээх туспа хайыһар биригээдэтин 188-с стрелковай састаабыгар киирэн Старай Русса, Смоленскай, Холм куораттары босхолоспута. Хаста да бааһыран госпиталларга эмтэммитэ. Бойобуой үтүөлэрэ Албан аат уордьанын 3-с степенинэн, Аҕа дойду Улуу сэриитин 1-кы степеннээх уордьанынан уонна мэтээллэринэн бэлиэтэммитэ.
Неправильно
-
Задание 3 из 11
3.
Саха музыкальнай –драматическай театрыгар артыыстыы сылдьан, 1941 с. армияҕа ыҥырыллыбыта. Лейтенант званиелааҕа. Сэриини Польшаҕа түмүктээбитэ.
Правильно
Николай Дмитриевич Слепцов- Туобулаахап (1912- 1964)
Чурапчы Бахсытыгар төрөөбүтэ. Москватааҕы А.В. Луначарскай аатынан актердар маастарыстыбаларын үрдэтэр мастарыскыайга дьарыктаммыта. М. Горькай аатынан Литературнай институкка үөрэммитэ. 1943 сылтан ССКП чилиэнэ, 1938 сылтан ССРС Суруйааччыларын союһун чилиэнэ. Биллиилээх драматург, театр режиссера.
Неправильно
-
Задание 4 из 11
4.
Атаакаҕа киирэн истэҕинэ снаряд эстэн оскуолага вещмешогар охсуллар. Бу түгэҥҥэ кини аара Залари станцияҕа атыыласпыт Пушкин «Талыллыбыт айымньыларын» халыҥ тастаах кинигэтэ өрүһүйэр. Халыҥ кинигэни курдаттаан күүһэ өһүллүбүт оскуолка байыас көхсүн тобулу көтөн түөһүн үөһэ өттүнэн тахсар. Дьолго, тыын тымырдарын таарыйбат. Суруйааччы 1954 с. литературнай институту бүтэрэригэр Пушкин «Евгений Онегин» айымньытын тылбаастаан дипломнай үлэтин көмүскээбитэ. Бу кимий?
Правильно
Гаврил Иванович Макаров -Дьуон Дьаҥылы (1914-1956)
Чурапчы улууһугар Болтоҥо нэһилиэгэр Кындалга төрөөбүтэ. Поэт, тылбаасчыт, 1945 сылтан ССРС Суруйааччыларын союһун чилиэнэ. 1943 сыл күһүнүгэр хас да саханы кытта сылгылары Иркутскайга тиэрдэр сорудаҕы ылан, айаҥҥа турбуттара. Сылтан ордук кэмҥэ чараас таҥастаах дьон ыҥыырга олорон, айан саамай ыараханын-кытаанаҕын көрсүбүттэрэ. Сорудаҕы толорбуттара. Фронт үлэтигэр туһалыахтаах 300-н тахса сылгы Залари диэн тимир суол станциятыгар тиэрдиллибитэ. Мальта станцияттан Г.И. Макаров илиҥҥи кыраныыссаҕа турар байыаннай чаастарга утаарыллыбыта. 94-с дивизия 152-с стрелковай ротатыгар сулууспалаабыта. Японияны утары сэриигэ кыттыбыта. 1946 с. дойдутун «Кыайдыбыт» диэн хоһоон рукописьтаах булбута.
Неправильно
-
Задание 5 из 11
5.
А.Н. Островскай аатынан Ленинградтааҕы театральнай институкка үөрэнэ сылдьыбыт, Ленинграды көмүскээһиҥҥэ кыттыыны ылбыт буойун- суруйааччы кимий?
Правильно
Степан Иванович Тимофеев (1921-2012)
Поэт, тылбаасчыт, Мэҥэ-Хаҥалас улууһугар төрөөбүтэ. 1940 с. армияҕа ыҥырыллыбыта. Сэрии саҕаланыаҥыттан Лениград таһыгар Карелия билиитигэр өстөөхтүүн сэриилэспитэ. «Лениграды обороналааһын» иһин мэтээллээх. Аҕа дойду Улуу сэриитин уордьанын кавалера. К. Симонов «Өлбүттэр уонна тыыннаахтар» диэн бөдөҥ айымньытын сахалыы тылбаастаабыта. 1964 сылтан ССРС Суруйааччыларын чилиэнэ, Саха Республикатын культуратын үтүөлээх үлэһитэ.
Неправильно
-
Задание 6 из 11
6.
Тааттаттан төрүттээх буойун суруйааччылартан ким лейтенант званиелаах этэй?
Правильно
Макар Иванович Кузьмин — Макар Хара (1915-1981)
Дьокуускайдааҕы тыа хаһаайыстыбатын техникумугар, Москватааҕы Коммунистическай институт журналистикаҕа салаатыгар үөрэммитэ. 1931939 сс. Саха сирин Суруйааччыларын союһун тэрийэр бюротун секретара этэ. Уон сылтан ордук кэмҥэ «Кыым» хаһыавт отделын сэбиэдиссэйинэн үлэлээбитэ. 1941 с. атырдьах ыйыгар сэриигэ ыҥырыллыбыта. Ленинградскай, I Белорусскай, I Украинскай , I Прибалтийскай фроннарга хорсуннук сэриилэспитэ. Кыһыл Сулус уордьанынан, мэтээллэринэн наҕараадаламмыта. 1945 с. демобилизацияланан дойдутугар кэлбитэ.
Неправильно
-
Задание 7 из 11
7.
Старшай сержант званиеламмыта. 22-с Армия састаабыгар киирэр туспа минометнай полк минометнай отделениетын наводчигынан Калининскай фроҥҥа сэриилэспитэ
Правильно
Серафим Романович Кулачиков- Эллэй (1904-1976)
Саха бастакы народнай поэта, тылбаасчыт, публицист. Журналистары бэлэмниир Москватааҕы государственнай институту бүтэрбитэ. «Кыым», «Социалистическая Якутия», «Чолбон», «Кыһыл ыллык», «Хотугу сулус» редакцияларыгар үлэлээбитэ. Саха сирин Суруйааччыларын союһун бырабылыанньатын председателинэн 1939 с. талыллан үлэлии олорон, 1942 с. Кыһыл Армия кэккэтигэр ыҥырыллыбыта. Старай Руссаны босхолооһуҥҥа буолбут хабыр хапсыһыыга снаряд дэлби ыстаныытыттан улаханнык дөйбүтэ. Онтон сылтаан иккис группалаах инбэлиит буолбута. Ыалдьан, 1944 сыл ахсынньытыгар демобилизацияламмыта, дойдутугар нэһиилэ кэлбитэ. Өр кэмҥэ эмтэнэн атаҕар турбута.
Кыайыыга эрэли этэр хоһооннордоох саха поэттарыттан биир бастыҥнара этэ. «Күн сирин көмүскэлигэр» диэн хоһооннорун кинигэтэ 1943 сыллаахха, фроҥҥа сырыттаҕына бэчээттэнэн тахсыбыта.
Неправильно
-
Задание 8 из 11
8.
Старшай сержант. 48-с гвардейскай Ленин орденнаах танковай биригээдэҕэ “Т-34” танкаҕа орудие командира, Берлини штурмалааһын кыттыылааҕа
Правильно
Семен Осипович Никифоров (1923-1980)
СӨ культуратын үтүөлээх үлэһитэ, 1965 сылтан ССРС Суруйааччыларын союһун чилиэнэ, биллиилээх прозаик. Мэҥэ Хаҥалас улууһугар II Тыыллыма нэһилиэгэр Хаатылымаҕа төрөөбүтэ. 1939 с. Хаатылыма оскуолатыгар улахан дьону ааҕарга-суруйарга үөрэппитэ. 1940 с. Дьокуускайдааҕы культурнай-сырдатар училищеҕа үөрэнэ киирбитэ. Бүтэрэн Өлүөхүмэ Токотугар Кыһыл Чуумҥа үлэлээбитэ. 1942 с. Кыһыл Армия кэккэтигэр ыҥырыллыбыта. Сэрии толоонугар биэс сылы толору сылдьыбыта. Албан аат III степеннээх уордьанынан, бойобуой мэтээллэринэн наҕараадаламмыта.
Неправильно
-
Задание 9 из 11
9.
Кини 1944 с. Суруйааччы Д.К. Сивцев- Суорун Омоллоону кытта I Украинскай фронт байыастарыгар, сэриилэһэ сылдьааччыларга, бара сылдьыбыта. Ол түмүгэр, «Андаҕар» диэн хоһоон курдук чулуу айымньылары айбыта. «Ытык Ильмень» диэн публицистическай поэматын иһин СӨ П.А. Ойуунускай аатынан Государственнай бириэмийэнэн наҕараадаламмыта.
Правильно
Сергей Степанович Васильев-Бороҕоонускай (1907-1975)
Поэт, публицист, оченкист, общественнай деятель, СӨ П.А. Ойуунускай аатынан государственнай бириэмийэтин лауреата, 1938 сылтан ССРС Суруйааччыларын союһун чилиэнэ
Неправильно
-
Задание 10 из 11
10.
“1942 с. мин Саха сирин үлэһиттэрин ааттарыттан сэриилэһэр аармыйаҕа бэлэх туттара бара сылдьыбытым. Боруоҥҥа илдьэр бэлэхпит бүтүннүү ас этэ. Иркутскайга тиийэн уонтан тахса хоммуппут ..Аспытын-үөлбүтүн уон вагоҥҥа толору симэн, бэйэбит тиэллэн барарбытыгар өссө биир вагону эбии анатан – “теплушка” диэн ааттаах “дьиэ” оҥостон, Иркутскай делегациятын кытта биир пое7ынан Москвалаабыппыт. Москваҕа уон сэттэ хонон тиийбиппит. Кыһыл Армия бэлэхтэри тутар отделын быһаарыытынан Бэһис армияҕа биэрэр буолбуппут. Бэһис Армия ити кэмҥэ Арҕааҥҥы фроҥҥа сэриилэһэрэ..». Бу ханнык суруйааччы ахтыытай?
Правильно
Владимир Михайлович Новиков- Күннүк Уурастыырап (1907-1990)
Саха народнай поэта, 1938 сылтан ССРС Суруйааччыларын союһун чилиэнэ, публицист, олоҥхоһут, тылбаасчыт.
Неправильно
-
Задание 11 из 11
11.
«Мин мантан сэриигэ барбытым
Бар дьонум алгыһын ыламмын,
Далбаатыы хаалбыта алааһым
Будьурхай баттахтаах тыатыныын»
Хоһоон автора кимий?
Правильно
Иннокентий Иванович Артамонов (1928-2006)
Поэт, тылбаасчыт. СӨ культуратын үтүөлээх үлэһитэ, РСФСР уонна ССРС бэчээтин туйгуна, 1964 сылтан ССРС Суруйааччыларын союһун чилиэнэ, СӨ Суруйааччыларын союһун чилиэнэ. Японияны утары сэрии кыттыылааҕа.
Неправильно