Ааһан эрэр 2024 сылга А.П. Кулаковская аатынан олохтоох модельнай библиотекаҕа автордартан, хомуйан оҥорооччулартан, о.д.а. дьонтон бэлэх киирдилэр:
 |
 |
Сыл саҕаланыытыгар Россия суруналыыстарын чилиэнэ, Таатта улууһун “Көмүлүөк күлүмэ” айар түмсүү кыттыылааҕа Маргарита Иванова-Дайар Суһум «Тохсунньуга тыллабын» диэн хоһооннорун хомуурунньуга
|
 |
СӨ уус-уран оҥоһугар норуот маастара, Амма нэһилиэгин Бочуоттаах олохтооҕо, нэһилиэккэ бастакы радистканан үлэлээбит улахан дьиэ кэргэн тапталлаах ийэтэ, эбэтэ Малышева Розалия Романовна туһунан «Амматыныы холкутук, чуумпу тапталынан араҥаччылаан» кийиитэ Андросова Ф. А. хомуйан оҥорбут, оҕолорун, сиэннэрин, дьүөгэлэрин ахтыылара киирбит кинигэлэрэ
|
 |
Педагогическай үлэ бэтэрээнэ, Амма нэһилиэгин Бочуоттаах олохтооҕо Ефимова Татьяна Васильевна сиэнинээн Мартынова Т.Г. хомуйан оҥорбут «Ньуураптар» диэн 1881 сыллаахха Таатта улууһун Сиэллээх нэһилиэгэр төрөөбүт Ньуурап Спиридон Гаврильевичтан саҕалаан тэнийбит бары Ньуурап аймах туһунан сырдатыллыбыт кинигэтэ.
|
 |
Нуучча географическай обществотын чилиэнэ, кыраайы үөрэтээччи Татаринов Аким Константинович «Сырдык олох иһин» диэн Таатта улууһун бастакы үөрэхтээхтэрин сырдаппыт архыып матырыйаалларыгар олоҕуран суруйбут кинигэтэ
|
 |
Амма нэһилиэгин бастакы баһылыгын, 15 сыл устата нэһилиэги салайбыт Неустроев Арсен Арсеньевич туһунан балта Захарова А.А. хомуйан оҥорбут «Дьоһун олоххо угуйа» кинигэ
|
 |
Чычымахха күтүөт буолан кэлэн олоро сылдьыбыт ССРС культуратын туйгуна, Саха сирин Суруйааччыларын сойууһун чилиэнэ, СӨ культуратын үтүөлээх үлэһитэ, самодеятельнай композитор, мелодист, билигин 92 сааһыгар сылдьар Нам улууһун Ытык кырдьаҕаһа Бубякин Иван Афанасьевич – Чөҥөчөк бэйэтэ суруйбут кинигэлэрин, уопсайа 15 кинигэни нэһилиэк ааҕааччыларыгар анаанбэлэхтээтэ. «… Бастакы кэргэним Таатта Чычымаҕыттан Елена Афанасьевна Багрынова, 2 кыыстаахпын, ыаллар. Кулаковскай Реас Алексеевичтыын ыаллыы олорбуппут. Оччолорго оҕолоро кыра этилэр..», — диэн автобиографиятыгар суруйбут. Иван Афанасьевич оҕолорго, улахан дьоҥҥо сөптөөх хоһооннору, кэпсээннэри, чабырҕахтары, сыаҥкалары суруйар эбит. «Талыллыбыт айымньылар» кинигэтигэр «Мин олоҕум барыбыт олохпут этэ» романын бастакы чааһа киирбит.
|
Өймөкөөнтөн кыраайы үөрэтээччи, «Историческая память» общественнай тэрилтэ бэрэссэдээтэлэ Васильева Тамара Егоровна «Алексей Елисеевич Кулаковскай-Өксөкүлээх Өлөксөй Өймөкөөҥҥө (1906-1925» кинигэтин бэлэх ыыппытын туттубут.
 |
 |
Баайаҕа модельнай бибилиотекатын салайааччыта Кустурова Александра Николаевна нэһилиэгин чулуу дьонун туһунан — «Саха киэн туттар дьоно» серияҕа тахсыбыт «Иннокентий Михайлович Хатылаев» уонна сэрии толоонугар геройдуу охтубут биэс бырааттыы Малгиннар ийэлэрэ Февронья Николаевна Малгина сырдык кэриэһигэр анаммыт «Малгиннар тыыннаахтар» кинигэлэри бэлэхтээтэ. |
 |
 |
С.Р. Кулачиков-Эллэй аатынан Чычымах орто оскуолатын директоры иитэр үлэҕэ солбуйааччы Иванова Дария Егоровна Хон С.В. «Судьбы, окрыленные культурой села» уонна “Сэмэн Барааскап” диэн Герасимов Г.М. хомуйан оҥорбут кинигэлэрин бэлэхтээтэ.
|
 |
«Кыым» хаһыаттан нэһилиэкпитигэр кэлэн барбыт ыалдьыттарбыт Гаврильев И.И., Багынанова С.И., Капрынов А.Г. Ньурбаҕа ыытыллыбыт Олоҥхо ыһыаҕыттан үйэтитиллибит түгэннэри көрдөрөр «Нюрба. Солнце, дарующее жизнь» альбом-кинигэни бэлэхтээтилэр. |
Кинигэ бэлэхтээбит бары дьоммутугар истиҥник махтанабыт. Эһиэхэ бары үтүөнү баҕарабыт!
Загрузка...
