Аввакумов Константин Васильевич (1928-2005)

Аввакумов Константин Васильевич 1928 с. кулун тутар 3 күнүгэр Сиэллээх Амматыгар төрөөбүтэ. Бииргэ төрөөбүттэр үһүөлэр. Эдьиийэ Елена Васильевна – бухгалтер, быраата Николай Васильевич кадровай булчут этэ.

Константин Васильевич Победа «Сиэллээҕиттэн» Устиния Романовнаны сүгүннэрэн аҕалан, ыал буолан, 9 оҕолоноллор.

 1948 с. Ааллаах Үүҥҥэ сайынын сүөһү үүрүүтүгэр, кыһынын таһаҕас таһыытыгар сылдьыбыта. «Көрдөрүүлээх» колхозка бөдөҥсүтүү саҕана соҕотох бэйэтэ 100-тэн, 200-тэн тахса убаһалары, тыйдары көрөн олорбута. Онтон кэлин Чычымахха көһөн кэлэн баран Налыяхов С.В., Софронов К.И кытта уһуннук сылгыһыттаабыта. Кэнники Прокопьев В.К.-тыын эмиэ сылгыһыттаабыта. Кэлин кадровай булчутунан үлэлээбитэ.  Кыһыннары-сайыннары наар атынан сылдьар буолара. Бииргэ бултаспыт доҕоро Май Емельянов «Соһуччу көрсүһүү» кинигэтигэр «Нохуга» кэпсээнигэр Константин Васильевич туһунан истиҥник суруйан үйэтиппитэ.

«1941-45 сс. Аҕа дойду сэриитин кэмигэр килбиэннээх үлэтин иһин» мэтээллээх.