1 Star2 Stars3 Stars4 Stars5 Stars (No Ratings Yet)
Загрузка...
145 views

Васильев Артемий Семенович

Васильев Артемий Семенович

(1882-1961)

Васильев Артемий Семенович колхоз сылгыһыта, кэргэнэ Васильева (Литвинцева) Анна Сергеевна (Эллэй ийэтин бииргэ төрөөбүт балта) хонуу үлэһитэ этилэр.

«Чээйэ Сэмэн уолаттара: Николай Семенович, Артемий Семенович, Иван Семенович Васильевтар үс бырааттыылар үһүөн сылгыһыттаабыттар эбит. Убайдара Ньукулай сылгыһыттыы сылдьан муҥурдааҕа ыалдьан өлбүт. Биһиги эһэбит Артемий сэрии кэнниттэн сылгыһыттаан бүппүт.

Оҕо сылдьан өйдүүрбүнэн эһэм Артемий маҥан аттааҕа. Биирдэ эмэ сыарҕаҕа көлүйэрэ. Ахсым айаннаах, кыраһыабай быһыылаах-таһаалаах үтүө сылгы быһыылааҕа. Убайбыт Александр эмиэ сылгыһыт этэ. Аҕатын кини хаайан, эһэбит атын сүүрдэ илдьэ сылдьыбыттарын өйдүүбүн. Атын сыл аайы туттаран дьиэтигэр аҕалтаран аһатара. Тараан, ыраастаан, имэрийэн-томоруйан ыытара. 1960 сыллаахха орто дойдуттан арахсыан биир сыл иннинэ уолун Өлөксөөнү дьаһайан, бэйэтэ көрбөтүгэр өлөттөрбүтэ.

Сылгыһыт Чээйэ сыдьааннарын салҕааччы Афанасьев Юрий Викторович аата ааттанан эрэриттэн аймахтара үөрэбит.

Чээйэ (Тэйэр) Сэмэн Варвара диэн кыыһа Андросов Павел диэн уолламмыт. Павел Степанович, Анна Спиридоновна уоллара Павел Павлович Амма нэһилиэгэр айымньылаах үлэтинэн-хамнаһынан убаастанар үтүө киһи буолбута. Лариса Лазаревна, оҕолор, сиэннэр Павел Павлович умнуллубат олоҕун үйэлэргэ уһаттыннар»,-диэн кэпсиир Малышев Леонид Николаевич, РФ үтүөлээх учуутала уонна СР үөрэҕириитин үтүөлээх үлэһитэ.