1 Star2 Stars3 Stars4 Stars5 Stars (No Ratings Yet)
Загрузка...
108 views

Прокопьев Власий Константинович

Прокопьев Власий Константинович

(1935-2010)

1935 с. кулун тутар 2 күнүгэр Томпо оройуонун Тополинай бөһүөлэгэр төрөөбүтэ.

1968 с. «Таатта» совхоз Чычымахтааҕы отделениетыгар сылгыһытынан үлэлии киирбитэ. 1972-73 сс. Сылгы төрүөҕүн 100% ылары ситиһэн, сылгы кыстыгын үчүгэйдик тэрийэн Бүтүн Сойуустааҕы куоталаһыы түмүгүнэн үрдүк наҕараадаҕа тиксибитэ. Власий Константинович республика чемпион сылгыһытын аатын сүкпүтэ. Бу ситиһиитин иһин Саха АССР Үрдүкү Сэбиэтин Бочуотунай грамотатынан,  «Урал» мотоцикл фондатынан наҕараадаламмыта, 400 солк. харчынан бириэмийэлэммитэ.

Пятилетка быһаарыылаах сылыгар сылгы иитииттэн үрдүк бородууксуйаны ылар иһин оройуоҥҥа куоталаһыыны көҕүлээбитэ. 1974 с. үрдүк көрдөрүүлээх үлэтин иһин «ССРС норуотун хаһаайыстыбатын сайдыытыгар кылаатын иһин» Бүтүн Сойуустааҕы норуот хаһаайыстыбатын ситиһиилэрин быыстапкатын үрүҥ көмүс мэтээлинэн наҕараадаламмыта.

Үлэ, тыыл ветерана Власий Константиновиһы 2009 с. СӨ тыатын хаһаайыстыбатын министерствота Бочуотунай грамотанан, «Республика тыатын хаһаайыстыбатын сайдыытыгар улахан кылаатын иһин» үрүҥ көмүс бэлиэнэн наҕараадалаабыта.