1 Star2 Stars3 Stars4 Stars5 Stars (No Ratings Yet)
Загрузка...
95 views

Софронов Куприян Иванович

Софронов Куприян Иванович

(1928-2009)

13 сааһыттан колхоз, совхоз үлэтигэр эриллибитэ. 1941-42 сс. кыһыныгар аэропортка ититиллибэт самолет иһигэр хонон харабыллыыртан үлэтин саҕалаабыта. Ааллаах Үүҥҥэ таһаҕасчытынан, балыксытынан үлэлээбитэ. 1953 сылтан 27 сыл устата сылгыһытынан үлэлээбитэ. 1969 с. туппут 57 биэтиттэн 49 кулуну ылан совхоһугар биир бастыҥ сылгыһыттар ахсааннарыгар киирсибитэ. Ити көрдөрүүтүн 1970 с. өссө тупсаран кулун деловой тахсыытын 96,3 бырыһыаҥҥа тиэрдэн совхоһугар бастакы, улууска иккис миэстэлэри ылбыта. Ити сыл бу түбүктээх үлэтин сэргэ, 514 ыччат сүөһүнү тутан бостууктаабыттара. Туппут сүөһүлэрин биири да энчирэппэккэ, барытын үрдүк уойуулааҕынан туттарбыттара. Маннык үрдүк көрдөрүүлэрин иһин элбэх төгүл убаһанан, харчынан бириэмийэнэн наҕараадаламмыттара.

        Кэлин сааһыран баран кадровай булчут буолбута. Атын көлүннэ да, аар тайҕатыгар айанната турара.