1 Star2 Stars3 Stars4 Stars5 Stars (No Ratings Yet)
Загрузка...
37 views

Сивцева Евдокия Поликарповна

Сивцева

Евдокия Поликарповна

(1931-2004)

  15-16 сааһыгар колхозка үлэлии барбыта. Эдэр киһини үлэ саамай ыараханыгар, ырааҕар ыыталлара. Үлэлээбэтэх фермата суоҕа: Учайга, Уодайга брюцеллезтаах ынахтарга сотору-сотору барара.

Харбалаах туһунан отделение буолбутугар Харбалаахха ыанньыксыттыы барбыта. Кэлин Тумулга, онтон Күөнэхтээххэ ферма старшайынан үлэлээбитэ. Элбэх ыччат үлэлиир улахан коллективыгар сүбэһит буолара.

1969 с. хас биирдии фуражнай ынахтан 2115 кг., 1974 с. – 2370 кг. үүтү ыан сопхуоһугар, оройуоҥҥа үрдүк көрдөрүүлэммитэ. 1971с. «Бочуот Знага» орденынан  наҕараадаламмыта. «1941-45 сс. Аҕа дойду Улуу сэриитигэр килбиэннээх үлэтин иһин» мэтээл хаһаайката.

Евдокия Поликарповна кэлин доруобуйатын туругунан сүөһүттэн уурайан пекарняҕа үлэлээбитэ.

Кэргэнэ Андросов Федот Яковлевич 30-н тахса сыл үрдүк таһаарыылаахтык тракториһынан үлэлээбитэ. Механизированнай звенону салайан сыл аайы үрдүк көрдөрүүлэнэн оройуон, республика иһинэн ыытыллар социалистическай куоталаһыылар кыайыылаахтара буолбуттара.  Коммунистическай үлэ удаарынньыга буолбута. Элбэх эдэр ыччаты тракторист идэтигэр уһуйбута.  Кинилэр 2 кыыс оҕону иитэн улаатыннарбыттара.

Литература:

Андросова Евдокия Поликарповна // Кыайыы кынаттаах Албан аат — тыыннаах : Тыылга Кыайыыны уһансыбыттар. Т. 2 / [хомуйан оҥордо С.И. Беркина; ред. И.А. Сивцева] . – Ытык Күөл : “Таатта” хаһыат редакцията, 2015 . – С. 56.

Колхозтар бөдөҥсүйүүлэрэ / Чычымах. Таатта улууһа. Амма нэһилиэгэ / [Хомуйан оҥордо А.К. Татаринов]. – Дьокуускай : Бичик, 2002. – С.143-146 (Саха сирин нэһилиэктэрэ)

Орденнаахтар / Чычымах. Таатта улууһа. Амма нэһилиэгэ / [Хомуйан оҥордо А.К. Татаринов]. – Дьокуускай : Бичик, 2002. – С.197-198 (Саха сирин нэһилиэктэрэ)

Оскуола үөрэнээччитинэн  // Сүгүрүйэр сырдык кыһабыт/ [хомуйан оҥордо Г.П. Бястинов]. – Дьокуускай : Бичик, 2006. – С. 279-281.

Сивцева Евдокия Поликарповна