1 Star2 Stars3 Stars4 Stars5 Stars (1 votes, average: 5,00 out of 5)
Загрузка...
281 views

Олоҥхо дьыктаана

Бэрэсидьиэн В.В. Путин Ыйааҕынан биллэриллибит Россия норуоттарын нэһилиэстибэтин Сылын чэрчитинэн, Саха АССР төрүттэммитэ 100 сылынан, Олоҥхо национальнай күнүгэр  аналлаах Өрөспүүбүлүкэ  үрдүнэн ыытыллыбыт «Олоҥхо дьыктаана» аахсыйаҕа биһиги нэһилиэктэн 37 киһи кыттыста. П.А. Ойуунускай «Дьулуруйар Ньургун Боотур» олоҥхотуттан быһа тардыыны суруйдулар. 

Сэтинньи 21 күнүгэр  А.П. Кулаковская аатынан олохтоох модельнай библиотекаҕа ыытыллыбыт  дьыктааҥҥа барыта 15 киһи суруйда. Дьыктааны олохтоох оскуола учуутала Аграфена Порфирьевна Малышева аахта. 

Нэһилиэк дьаһалтатын 4 үлэһитэ дьыктааны сэтинньи 24 күнүгэр суруйдулар. Дьыктааны «Амма нэһилиэгэ» ТСТ дьаһалтатын сүрүн исписэлииһэ Елена Николаевна Софронова аахта.

С.Р. Кулачиков- Эллэй аатынан Чычымах орто оскуолатыгар учууталлар уонна үрдүкү кылаас 7 үөрэнээччитэ сэтинньи 24 күнүгэр суруйдулар. Дьыктааны олохтоох оскуола учуутала А.П. Малышева аахта.

Нэһилиэк үрдүнэн биир да сыыһата суох суруйан Богдокумова Харитина Михайловна, Васильева Августина Кимовна «5» сыананы ыллылар.

Дьыктааны суруйбут, акцияҕа кыттыспыт, көмөлөспүт дьоммутугар улахан махталбытын тиэрдэбит.

 

Добавить комментарий

Ваш адрес email не будет опубликован. Обязательные поля помечены *