1 Star2 Stars3 Stars4 Stars5 Stars (No Ratings Yet)
Загрузка...
77 views

Поэзия күнэ

Аан дойдутааҕы Поэзия күнүгэр нэһилиэкпит хоһоону айар уонна сэҥээрэр дьонун түмэн төгүрүк остуол ыытылынна. Хоһоон куттаах кыргыттарбыт толорууларыгар хоһооннору долгуйа иһиттибит. Ол курдук, Эльвира Старостина -Зинаида Архипова, Мария Стручкова -Наталья Михалева-Сайа, Варвара Власова — Варвара Потапова хоһооннорун иэйиилээхтик аахтылар. Варвара Власова Варвара Потапова хоһоонноругар ырытыы оҥордо. Айар куттаах биир дойдулаахпыт Валентина Кулачикова-Үрүччэ Дьокуускай куораттан ыыппыт, «поэзия күнүгэр хоһооммунан кыттыһыахпын баҕарабын»,- диэн көрдөһүүтүн толорон Мария Стручкова Үрүччэ икки хоһоонун ааҕан иһитиннэрдэ. Эмиэ Дьокуускай куоракка олорор биир дойдулаахпыт Ньургуйаана Аввакумова-Күлүм хоһооннорун Ирина Никифорова толоруутугар уһуллубутун иһиттибит, клиптэри көрдүбүт.

Дьоро тэрээһиммит сүрүн ыалдьыттарынан айар куттаах биир дойдулаахтарбыт буоллулар. Анна Канаева-Дьүрүскээнэ хомус тыаһынан арчылаата. Кини Поэзия күнүнэн буруолуу сылдьар хоһоон кэһиилээх кэлэн соһутта.

…Сааскы кэм күнүн сырдыгар

Маны сэргэ, оҕолорго анаабыт куукулалар тустарынан хоһооннорун, «Уран тыл оһуордаах хонуута» серияҕа бэчээттэммит «Чобуо тыл-чабыр5ах» кинигэтиттэн чабырҕахтарын аахпытын сэргии иһиттибит. Ветеран-педагог Анна Васильева төһө да бэчээттэнэ илик буоллар балайда хоһоон автора. Конкурстарга ситиһиилээхтик кыттар. А.А. Иванов-Күндэ 125 сылыгар аналлаах республиканскай суруйааччыга анабыл хоһоон күрэҕэр  2 миэстэни ылбыта. Анна Егоровна бэйэтин хоһооннорун ааҕан иһитиннэрдэ.

Тэрээһиммит солун арыйыытынан Елена Павлова буолла. Кини хоһоон айарын  сурах хоту  эрэ истэ сылдьыбыт буоллахпытына, бу күн бэйэтин толоруутугар иһиттибит. Варвара Власова – Чэмэлиинэ бэйэтин хоһооннорун эмиэ ааҕан иһитиннэрдэ.

Поэзия күнүгэр хомоҕой тыллаах айар куттаахтарбыт бииргэ мустаннар олус истиҥ хоһоон түһүлгэтэ тэрилиннэ.

Добавить комментарий

Ваш адрес email не будет опубликован. Обязательные поля помечены *