Киэн туттар биир дойдулаахпыт саха бастакы народнай поэта С.Р. Кулачиков-Эллэй төрөөбүтэ 120 сылын көрсө Чычымах орто оскуолатын 3 кылааһын (сал. Канаева Л.В.) кытта  «Эллэйи ааҕабыт» бырайыагынан үлэлиибит. Бырайыак чэрчитинэн бүгүн поэт оҕолорго анаан суруйбут “Чычып-чаап уонна чыычаахсыт” остуоруйатынан библиотечнай уруок ыытылынна.  Эллэй олоҕун, айар үлэтин презентациянан кэпсээтибит, оҕолорго аналлаах кинигэлэрин быыстапкатын билиһиннэрдибит. Оҕолор поэт хоһооннорун өйдөрүттэн аахтылар.

“Чычып-чаап уонна чыычаахсыт”  айымньыга анаан 2004 с. алын кылаас учуутала Богдокумова Вера Васильевналыын, кини үөрэтэр оҕолоро  (оскуоланы быйыл бүтэрбиттэр) төрөппүттэринээн оҥорбут брошюраларыгар олоҕуран үлэ тэтэрээтэ оҥорбуппут. Бүгүҥҥү уруокка оҕолор айымньыны ааҕан баран икки хамаандаҕа арахсан бу тэтэрээккэ  киирбит сорудахтарга эппиэттээтилэр.

Оҕолор уруоктан айымньыны кытта сиһилии билсэн, элбэх саҥаны билэн астынан тарҕастылар.