Кулун тутар 23 күүнүгэр «Өбүгэлэрбитин үйэтитэн» диэн Табунанова М.П., Татаринов А.К. хомуйан оҥорбут  Амма нэһилиэгин былыргыттан 1941 сылга диэри олоҕун- дьаһаҕын, дьонун- сэргэтин сырдаппыт элбэх архыып докумуоннардаах саҥа  кинигэ биһирэмэ буолан ааста.  Кинигэ 300 ахсаанынан Дьокуускай к. «Алаас» кинигэ кыһатыгар бэчээттэнэн таҕыста. 4 чаастан ордук буолбут   «Өбүгэлэрбитин үйэтитэн» дьоһун кинигэ тула кэпсэтиини Өксөкүлээх Өлөксөй аатынан НАДь директора Власова В.В. иилээн-саҕалаан ыытта. Аахпыт дьон бары кинигэни хайҕаабыттарын бэлиэтээтилэр, хомуйан таһааттарбыт Мария Платоновнаҕа, Аким Константиновичка, кинигэ тахсарыгар бастакынан этии киллэрбит, элбэхтэ сүүрбүт –көппүт Соров Степан Степановичка махталларын тиэртилэр. Хомуйан оҥорооччу Табунанова М. П. кинигэ тахсыытыгар үлэлэспит, матырыйаалынан көмөлөспүт дьонноругар, “Амма нэһилиэгэ” ТСТ баһылыга Старостин С.П. тыыл ветераннарыгар, нэһилиэккэ куруук көмөлөһөр дьонноругар кинигэ бэлэх ууннулар. Маны сэргэ мустубут дьоҥҥо саҥа кинигэ атыыта тэрилиннэ. Дьоро тэрээһини Константин Иванов, Елена Малышева, Семен Налыяхов музыкальнай нүөмэрдэринэн киэргэттилэр.

Дьоһун кинигэ биһирэмиттэн дьон-сэргэ үөрэн, өрө көтөҕүллэн тарҕастылар.