Ааспыт кэм кэрэһиттэрэ — саһарбыт хаартыскалар…

Быһа холоон 1930-с сыллар ортолорунаа5ы хаартыска. Руководящий состав сельскохозяйственнай артели «Чычымах» диэн суруллубут. Чычымахха 1930 сыллаахха «Кэнчээри», «Түмсүү», «Кыһа» диэн холкуостар тэриллибиттэр. Ол холкуостар холбоһон 80-тан тахса хаһаайыстыбалаах «Чычымах» артыал буолбуттар.  Председателинэн Новгородов Н.Н. анаммыт.

Хаартыскаҕа аллараа  уҥа Канаев Павел Иванович олорор. «Икки маҥнайгы товариществолары тэрийсибитэ. 1931 с. Чычымах сельпотугар ма5аһыын сэбиэдиссэйэ, 1932 с. сыпной пункт сэбиэдиссэйэ, ма5аһыын продавеһа. 1935 с. «Чычымах» колхоз правлениетын председателэ. 1935 с. колхоз 60-ча хаһаайыстыбалаах этэ, сотору 130 хаһаайыстыбалаах буолбута. 1940 с. сельпо председателинэн үлэлээбитэ». («Сэмэй дьон сырдык сэбэрэлэрэ». 288 стр.)

1938 с. хаартыска. Чычымах сельпотун бырабылыанньатын үлэһиттэрэ олороллор.

Хаҥас Канаев Павел Иванович турар.  Сыла биллибэт.

«Павел Иванович 1955 с. «Коммунизм» колхоз о5уруотун биригэдьиирэ. Икки төгүл Бүтүн Союзтааҕы Тыа хаһаайыстыбатын быыстапкатыгар кыттыбыта» («Сэмэй дьон сырдык сэбэрэлэрэ». 288 стр.).  Павел Николаев-Буоссап Уола «Дневник П.А. Николаева. Күннээҕи бэлиэтээһиннэр » кинигэ 21 стр. «Зиму 1936-37 г. зимовали со мной в аласе Еремей Малышев и китаец огородник Че-Чю-Мин» — диэн суруллубутуттан сылыктаан бу хаартыска5а ити кэпсэнэр Че-Чю-Мин буолуон сөп диэн сабаҕалыахха сөп.