Саха бастакы суруйааччыларыттан биирдэстэрэ, тыл үөрэхтээҕэ, суруналыыс, учуонай, учуутал, уопсастыбаннай диэйэтэл Алексей Андреевич Иванов — Күндэ төрөөбүтэ 125 сылын көрсө 2021 с. ыытыллыбыт Өрөспүүбүлүкэтээҕи хоһоон айыытыгар кэтэхтэн күрэскэ айар талааннаах биир дойдулаахпыт Васильева Анна Егоровна кыттан 2-с үрдэли ылбыта.

 

Күндэҕэ

Өбүгэ саҕаттан

Өһүллэн

Уустаан-ураннаан

Удьуордаан,

Хараҥа  олоххо

Хаайтарбыт

Оборчо  олоҕун

Үйэлээх батталы

Үтэйэн,

Бутуурдаах дьыллары

Бурайан

Сахалыы санаатын

Сааһылаан,

Хомоҕой тылынан

Хоһоонноон,

Көлүөнэ кэмнэрин

Кэпсээнин

Биһирээн аахтылар

Бэчээтин.

Оччоҕо одьунаас

Олохтоох

Олуона тыллардаах

Олустар.

Сэбэрин, ырааһын

Сэмэлээн

Буржуй диэннэр

Буруйдаан

Хабыр тылынан

Хаһыаттаан

Сабыта саҥаран

Самнаран…

Иһигэр харааста

Илистэн

Мунчаарбыт  хоһооно

«Мин ырыам».

Кылгастык олорон

Күндээрэн

Дьоһуннаах үлэнэн

Дьоллонон

Төрөөбүт төрүт

Тылгын

Ылбаҕай ыллам

Ыллыктаан

Сыраҕын биэрбитиҥ

Сыаналанан

Күн бүгүн биһиэхэ

Күндүгүн !