Иванова (Кысалгинова) Мария Григорьевна (24.03.1966)

Мин Тааттатааҕы кииннэммит библиотека Чычымахтааҕы филиалын заведующайынан 1994 сылтан 1996 сылга диэри үлэлээбитим. 1997 сылтан ыал буолан оҕолонон оҕобун кѳрѳр отпуска ылан 2000 сылга диэри олорбутум. Онтон салгыы Дьокуускай куоракка олохсуйа кѳспүппүт. Үѳрэх министерствотын иhинэн Оҕо ситиhиитин музейыгар методиhынан үлэлээбитим.

2009 сылтан Эбии үѳрэхтээhин киинигэр музей холбоhон 2016 сылга диэри методиhынан үлэлээн кэлбитим. Билигин пенсияҕа олоробун.

1991 с. бастакы үрдүк үѳрэхпин — Благовещенскайдааҕы тыа хаhаайыстыбатын институтун бүтэрэн, зоотехник идэтин ылан үлэбин «Коммунизм» совхоз Чычымах отделениетыгар үлэлээбитим. 2001 с. Илин- Сибиирдээҕи культура уонна искусство академиятыгар кэтэхтэн үѳрэнэн музееведе-историк идэтин баhылаабытым.

Чычымах библиотекатыгар үлэлиир кэммэр Киин библиотека сэбиэдиссэйинэн Колесова Полина Семеновна үлэлиир этэ. Старшай методиhынан Устиния Ивановна Заболоцкая, Анна Егоровна Монастырева үлэлииллэрэ.

Былааммын сыл аайы толорор этим, мероприятие бѳҕѳ ыытыллара. Кулуубу, оскуоланы кытта холбоhон сүрдээх интэриэhинэй элбэх мероприятиелар буолаллара. Аhаҕас уруоктар, ааҕааччы интэриэhин тардар кинигэ выставкалара оҥоhуллаллара. Суруйааччылар тѳрѳѳбүт күннэригэр, юбилейдаах даталарыгар кулууптары кытта дьон интэриэhин тардар викториналары, кинигэ выставкаларын, «Поле чудес», «Кочегар –шоу» курдук араас шоу программалары, тэрээhиннэри ыытарбыт. Фермаҕа оҥоhуллар передвижной выставка үлэhиттэр болҕомтолорун тардара. «Саамай ааҕар дьиэ кэргэн» конкурска Елена Петровна, Павел Кимович Малышевтар оҕолорунаан бастыыллара. Васильева Марианна Васильевна оскуола оҕолоругар «Бастыҥ ааҕааччы» аатын сүгэрэ. Улахан дьоҥҥо «Бастыҥ ааҕааччы» аатын Аввакумова Мария Пантелеймоновна ылара.

Чычымахтааҕы филиалга үлэлээбит сылларбын олус күндүтүк саныыбын. Мин бэйэм эбии сайдарбар бу сыллар элбэҕи биэрбиттэрэ дии саныыбын.  Манна үлэлиир кэмнэрбэр сүбэ-ама, күүс-кѳмѳ буолбут киhим Кулаковская Агафья Петровна буолар.

Филиал үлэhиттэригэр ѳссѳ да элбэх ситиhиини, дьолу-саргыны баҕарабын !

2017 с.