Амма нэһилиэгин Герой ийэлэригэр уонна орденнаах үлэһит дьонугар аналлаах «Сүгүрүйэр ытык дьоммут» сквер 2021 сыл балаҕан ыйын 21 күнүгэр   үөрүүлээхтик аһыллыбыта. Сквери Тыа хаһаайыстыбатын министерствота ыытар «Тыа сирин кэлимник сайыннарыы» программаҕа кыттан ылбыт 1 мөлүйүөн 416 тыһ. субсидиянан, 200 тыһ. Амма нэһилиэгин дьаһалтата үбүлээһининэн, нэһилиэк олохтоохторуттан хомуллубут 230 тыһ., биир дойдулаахтарбыт Малышев Валерий Георгиевич 100, Софронов Сергей Иванович 200 тыһ. спонсордаабыт үптэринэн , уопсайа 2 мөл. 146 тыһ. суумаҕа тутуллубута.

Сквер тутуутун Софронов Сергей Иванович иилээн-саҕалаан ыыппыта. Алааспыт ыччаттара Орлов Владимир, Михайлов Степан, Миронов Аркадий, Малышев Олег, Атастыров Ариан күүс-көмө буолбуттара.

Нэһилиэкпит Герой ийэлэригэр: Канаева Елизавета Павловнаҕа, Канаева Варвара Саввичнаҕа, Григорьева Мария Ильичнаҕа, Софронова Аграфена Романовнаҕа, Халыева Екатерина Терентьевнаҕа, Табунанова Мария Егоровнаҕа, Беркина Мария Гаврильевнаҕа, Васильева Елена Еремеевнаҕа, Ийэҕэ Үрдүкү Махтал бэлиэ хаһаайката Михайлова Антонина Степановнаҕа;

орденнаах ытык дьоммутугар: Кулачиков Серафим Романович- Эллэйгэ, Татаринова Мария Паповнаҕа, Сивцева Евдокия Поликарповнаҕа, Софронов Роман Ивановичка, Охотин Степан Николаевичка, Большакова Елена Терентьевнаҕа, Иванов Трофим Константиновичка, Михайлов Владимир Иннокентьевичка үйэлээх өйдөбүнньүк, сүгүрүйүү бэлиэлэрэ туруоруллубуттара.